ФИФА 2026 йилги ЖЧ формати бўйича бир тўхтамга келди

Унга кўра 4 жамоадан иборат 12 гуруҳ – 39 кун ичида 104 та ўйин бўлади.

Халқаро футбол федерацияси (ФИФА) 16 март куни ЖЧ-2026 учун янги форматни тасдиқламоқчи.

"The Athletic"нинг маълум қилишича, дастлаб жамоаларни 3 тадан 16 та гуруҳга бўлиш режалаштирилганди. Бироқ ФИФА бу ғоядан воз кечиб, 4 та жамоадан иборат 12 та гуруҳли формат фойдасига қарор чиқарди. Плей-оффга энг яхши саккизта учинчи ўринни эгаллаган жамоалар, шунингдек, биринчи ва иккинчи ўринларни эгаллаганлар йўлланма олади.

2026 йилги Жаҳон чемпионати АҚШ, Канада ва Мекцикада бўлиб ўтади. Ўйинлар 16 та шаҳарда ўтказилади. Бу мундиал тарихдаги энг узуни бўлади – 104 та ўйин 39 кун давом этади.