UZ

Сўнгги янгиликлар

01:23Суҳроб Иззатов: "Бир метрдан очиқ дарвозага ҳам тўп кирмаяпти"  1 00:54Зоир Жўрабоев: "Суперлигада учта гол урганман ва уларнинг барчаси "Бунёдкор" дарвозасидан ўрин олган"  0 00:39Луис Качорри: "Бугун "Бунёдкор" билан ўз майдонимиздаги сўнгги ўйиним бўлиши мумкин"  0 00:17Одил Ҳамробеков биринчи даврада унга энг кўп қийинчилик туғдирган футболчи кимлигини айтди  0 00:09Клублар ўртасидаги ЖЧ-2025. "Фламенго" - "Бавария" баҳсининг асосий таркиблари маълум қилинди  4 23:48Элдор Мойлиев: "Яккакурашларда ютқазсангиз, ҳеч қанақа тактика ёрдам бермайди"  0 23:33Михаил Еремчук: "Ғалаба учун аввало футболчиларга раҳмат"  2 23:30Суперлига. "Бухоро" ва "Бунёдкор"дан камбэк  1 23:14Иван Бошкович: "Ҳеч кимнинг бошини ёрмоқчи эмасман. Биз бундай ҳолатларга тайёр бўлиб боряпмиз"  3 22:56Клублар ўртасидаги ЖЧ. ПСЖ "Интер Майами"га имконият қолдирмади  167 22:45Илёс Зейтуллаев: "Бундай ажойиб ҳиссиётларни фақатгина футбол бера олади. Носир Абдусаломовни ўтган йилдан бери кузатиб келаман"  2 22:15Осиё Кубоги саралаши. Ўзбекистон аёллар терма жамоаси Шри-Ланкани 10:0 ҳисобида тор-морт этди. Нилуфар Қудратовадан "покер"  1 21:55Суперлига. "Бухоро" камбек амалга ошириб, "Шўртан"ни мағлуб этди   13 21:18Моуриньюга "Манчестер Сити" ҳимоячиси керак  0 20:56"Бунёдкор" суперкамбэк эвазига "Сўғдиёна"ни мағлуб этди  15

Февзи Давлетов: "Рақиб кўп вазиятларга эга бўлди, аммо Потапов жамоани қутқарди" Янгиликлар

Февзи Давлетов: "Рақиб кўп вазиятларга эга бўлди, аммо Потапов жамоани қутқарди"

Суперлиганинг 5-туридан ўрин олган "Насаф" - "Сурхон" (1:0) учрашувидан сўнг меҳмонлар бош мураббийи Февзи Давлетов матбуот анжуманида иштирок этди.

"Биринчи бўлимда жуда кўп хатоларга йўл қўйдик. "Насаф" эса хатоларни кечирмайдиган жамоа. Рақиб кўп вазиятларга эга бўлди, аммо Потапов жамоани қутқарди. Ўтказиб юборган голимизда, айнан ҳимоячилар Потаповга ёрдамга келиши керак эди. Танаффусдан кейин эса ўзгаришларга қўл урдик. Ҳужумга ўтишга ҳаракат қилдик, аммо қизил карточкадан сўнг агрессивроқ ўйнашимиз керак эди. Иккита ёки учта вазиятларга эга бўлдик, аммо улардан фойдалана олмадик. Ушбу жабҳада яхшироқ ишлашимиз керак экан. "Насаф" жуда яхши ҳимояланди" - дея фикр билдирди Февзи Давлетов бугунги баҳс ҳақида.


- "Сурхон" бугунги ўйинда ўз олдига қандай мақсад қўйган эди?

- Биз ҳар бир ўйинда ғалаба қозонишни кўзлаймиз. Бугунги учрашув ҳам бундан истисно эмас.

- Ўтган мавсумда "Сурхон" жамоасининг ҳужум чизиғи анча яхши эди. Жорий мавсумда эса жамоа ҳужумда муаммоларга дуч келаётгандек...

- Ҳа, бизга агрессия етишмаяпти.

- Ўтган турда Потапов майдонга қайтди ва "Сурхон" ғалаба қозонди. Бугун эса у жамоани кўп маротаба қутқарди. Дастлабки уч турда у нега захирада қолиб кетди?

- Артём январь ва февраль ойларини жароҳат туфайли ўтказиб юборди ва шу сабабли мавсумга тўлиқ тайёргарлик кўра олмади. Ундан олдинги ўйинларда эса қандай голлар ўтказиб юборганимизни кўрдингиз. Йўқ жойдан хатоларга йўл қилдик ва голлар ўтказиб юбордик. Бугун Артём жамоани қутқарди.

- Биринчи бўлимда жамоангиз чиройли футбол намойиш этди, танаффусдан кейин эса вақтини чўзиш ва шунга ўхшаш жамоага ярашмайдиган ишлар кузатилди. Бундай ҳолатлар рўй беришига бош мураббийнинг кўрсатмалари сабаб бўлдими?

- Йўқ, албатта. Бундай ҳолат ҳиссиётлар сабабли.

- Бугунги ҳакамликни қандай баҳолайсиз?

- Ҳакамларнинг қарорига баҳо берадиган комиссия бор. Мен фақатгина ўз жамоамнинг ўйини ҳақида гапиришим мумкин.

- Ҳамиджоновга сариқ карточка кўрсатилган вазиятда сиз футболчига тинчлан дегандек кўрсатма бердингиз. Футболчи эса сизга нисбатан кескин эътироз билдирди. Шундан сўнг футболчи захирага олинди. Ҳамиджоновнинг реакциясини қандай қабул қилдингиз?

- Унинг ўтган мавсумдаги ҳаракатларини ҳам кўрган эдингиз. Ҳакам карточка кўрсатмоқда, бундай вазиятда четда ўтиш керак. Қўшимча гап-сўзнинг нима кераги бор. У эмоцияларга берилиб кетди. Иккинчи сариқ карточкани ишлаб олмаслиги учун захирага олдик. Ўтган мавсумда у қизил карточка олган эди, эсингизда бўлса.



Рейтинг: +3   

Фикрлар

+1   
14 апр 01:42:04
Уктам
Потаповсиз бир канча очкодан курук колганмиз
   
14 апр 10:25:14
Frend Uzbekistan
O'yinda umaman mano yo'q na xujum na ximoya har yili shu ahvol qachongacha davom etadi muhlislarni ishonchi yo'qolayabdi MAVSUM OXIDA jamoa o'ziga keladi har yili kech bo'ladi
championat.asia
< сўнгги янгиликларни кўриш
Яндекс.Метрика