UZ

Сўнгги янгиликлар

00:21Миржалол Қосимов: "Захирадан ўйинга қўшилган футболчилар ҳар доим ўйинни кучайтириши керак. Дориев яримта вазиятдан ҳам гол ура олди"  2 00:15Суперлига. Голларга бой ўтган баҳсда ОКМК ғалаба қозонди, "Динамо" эса қўшиб берилган дақиқаларда ғалабани илиб кетди  5 23:58Иван Бошкович: "Биз қандай ўйин намойиш этганимиз ҳеч кимга қизиқ эмас, муҳими натижа"  2 23:31РПЛ. ЦСКА ўз уйида "Крилья Советов"ни енга олмади, Файзуллаев захирадан майдонга тушди  6 23:02Вадим Абрамов: "Бундай кўп тўхталишлар мухлисларга ёқади деб ўйламайман"  15 22:51"Арсенал" бразилиялик ярим ҳимоячига қизиқиб қолди  1 22:24АПЛ. "Ливерпуль" Александер-Арнольднинг голи эвазига меҳмонда "Лестер"ни мағлуб этди  11 22:03U-17 Осиё кубоги. Ўзбекистон 9 киши қолиб чемпион бўлди  746 21:54Озарбайжон Премьер-лигаси. "Сумқайит" меҳмонда "Зира"га мағлуб бўлди, Абдихолиқов гол урди!  2 21:22Айбек Нурбаев: "Футболчиларим билан фахрланаман"  0 21:05Григорий Колосовский: "Катта ҳудудий устунликка эга бўлдик"  1 20:58Симонс "Барса"да ўйнашни орзу қилади, аммо Хави ёзда катта эҳтимол билан АПЛга кетади. "Лейпциг" тахминан 75 млн евро олади  3 20:08Суперлига. 100 дақиқадан ошиқ давом этган ўйинда "Динамо" охирги паллада "Андижон"га гол уриб ғалаба қозонди  166 20:00Туркия Суперлигаси. "Ризеспор" ўз уйида ғалабага эришди, Алиқулов тўлиқ ҳаракат қилди  1 20:00А Серия. "Интер" "Болонья"га мағлуб бўлди, "Милан" ва "Аталанта" ўзаро баҳс олиб боради  1

Февзи Давлетов: "Жамоам руҳан синиб қолган" Янгиликлар

Февзи Давлетов: "Жамоам руҳан синиб қолган"

Суперлиганинг 3-тури доирасида "Бунёдкор" майдонидаги мағлубиятдан сўнг "Сурхон" бош мураббийи Февзи Давлетов матбуот анжуманида қатнашди.

- Ўтган ўйинларда ўзимизнинг хатоларимиз сабабли руҳий ҳолатимизни ёмонлаштириб қўйдик, жамоа руҳан синиб қолди. Бугун ўтказиб юборилган голлардан кейин ҳам агрессив бўлишга ҳаракат қилдик. Бироқ олдинги учрашувларда бизда ҳеч нима ўхшамаганди, шошилавердик. Ўтиш фазаларида бизда кўплаб хатолар кузатилди, шу сабабли бизда ҳужумлар етишмади. Танаффусда сифатлироқ ишлашга ҳаракат қилдик. Гарчи бугун барчамиз бирдам бўлиб ҳаракат қилган бўлсак-да, натижага эриша олмадик. Биринчи бўлимда вазиятлар яратиб, дарвозага зарба бермадик. Унда қандай қилиб гол урамиз? Биз дарвозага зарба бермаяпмиз ва ҳужумда муаммоларимиз кўриняпти. Шу боисдан жамоа руҳан синиб қолди. Мағлубиятга учрадик, ишлашда давом этамиз. Бу ҳолатдан чиқишимиз керак. Исталган ғалаба бизни, футболчиларни, мураббийларни, мухлисларни руҳий тушкунликдан олиб чиққан бўларди. Ғалаба қозонишимиз керак. Иккинчи бўлимда бизда ўйин чизгилари кўринишни бошлади. Биз ғалаба қозонишни истадик, бироқ гол йўқ, натижа йўқ. Чунки дарвозага тўпни тепмаяпмиз. Бу мағлубиятгнинг асосий сабаби.

- "Сурхон"да дарвозабон муаммоси борга ўхшайди. Келаси турда ротацияга қўл урасизми? Артём Потаповга имконият бериш ниятингиз борми?

- Ротация бўлмоқда. Бу борадаги қарорни дарвозабонлар мураббийи чиқаради. Ҳозир дарвозабонларни ўйинга тайёрлашда муаммолар бор. Буни ички муаммо дея оламан. Шу сабабли бу ҳақда ортиқча гапиришни истамайман.

- "Сурхон" ҳужумга ўтяпти. Бироқ ҳужумни кескинлаштирадиган футболчи топилмаяпти. Дейлик бу вазифани "Нефтчи"да Искандеров бажаради. Қишки трансферлар ойнаси вақтида шундай футболчи олиш варианти кўрилмадими?

- Бизда ҳозир асосий эътибор ёшларга қаратилган. Сиз айтган ҳужум позицияси учун Кириллни таркибимизга қўшиб олганмиз. Ўйингача бўлган тайёргарлик жараёнида ўтказилган ўртоқлик ўйинларида бу ишлар ўхшаганди. Бизда ўтган икки ўйиндаги хатолар руҳан зарба бермоқда. Бироқ ўртоқлик ўйинларида биз ҳужумда ҳам ҳимояда ҳам агрессив ўйнадик. Муаммолар кўринмаганди. Бу ерда эса ишлар бошқача кетяпти. Ишлашда, хатоларни тузатишда давом этамиз.

- "Сурхон"ни инқирозли ҳолатда деб ҳисоблайсизми? Агарда ҳа десангиз бу нималар билан боғлиқ?

- Ўтган икки ўйинда биз асосий таркиб билан ўйнамадик. Жароҳатланганлар ва ўйинга тайёр бўлмаганлар бор эди. Учрашувларда хатога йўл қўйганидан кейин футболчилар мухлислар томонидан босимга учрамоқда ва шундан кейин уларда руҳан чарчоқ кузатиляпти. Буларнинг барчасини устида ишласа бўлади. Бу ҳолатни ўзгартиришга ҳаракат қиламиз. Буни йигитлар ҳам тушуниб туришибди. Улар яхши ўйин кўрсата олишади. "Рубин", "Црвена Звезда"га қарши ўйнашди. Бу ерда эса улар ҳар бир хатодан кейин қўрқиб кетишяпти, ишонч пасаймоқда.

- Сўнгги пайтларда ўзбек футболида бир тенденция урф бўлиб қолди: пенальтини ура олмаслик. Ёшлар, ўсмирлар, миллий терма жамоадаги футболчиларимиз пенальтидан гол ура олишмаяпти. Шу сабабли кўпчилик томонидан руҳшунос ишга олиш гап-сўзлари кўпаймоқда. Бугунга қадар Луис Качорри ҳам пенальтидан фойдалана олмаган пайти бўлди. Узоқ йиллик танаффусдан сўнг ўтган ўйинда "Сурхон" ўз майдонига қайтди ва унда трибунадаги мухлислар футболчилар учун босим уюштираётгандек туюлди. Мухлислар ўйин вақтида футболчиларни кўп танқид қилиб туришди. Бу ҳам руҳиятни бузилишидаги бир фактор бўлиб ҳисобланади. Балки руҳшунос ишини қайта тиклаш керакдир?

- Биз бу йўналишда ишлаяпмиз. Руҳшунос жамоага жуда ҳам керак. Йигитлар ҳам буни тушунишади ва бу борада кучли бўла олишади. Бунинг учун барчамиз бирдам бўлишимиз керак. Ўйин олдидан гаплашаётганимизда хато қилсак, буни биргаликда тузатишни айтдик. Бироқ бу бугун амалга ошмади.

- Ўтган мавсум жамоанинг етакчиларидан бири бўлган Ҳумоюн Шербўтаев қачон сафга қайтади?

- Буни шифокоримиздан сўраш керак. Мен билмайман. Бугун ўйинга келган бўлса керак, лекин бугун уни кўрмадик. У яқинда операция бўлди.

Рейтинг: +1   

Фикрлар

+2   
28 мар 23:30:47
Don K'arleon
Тушунмадим, жамоа билан Туркияда бир ой дам олиб келиб рухан синиб қолдиларингми?
Дарвозабон масаласи.. Тўғри бу жамоанинг ичидаги "ИШ" Чунки Потапов маошини ҳеч ким бн бўлишгиси келмаётгандир!!?? Суперлига йил рамзий терма жамоатидан ўрин олган дарвозабонни не кўйга солдиларинг, Нимели қочиб қутулди қайтиб суперлигамизга қадамини босмаса керак.
Хуллас Февзижон обрўйингиз борида чемадон ташвишини ўйлаб кўраверинг...
Менимча охирги сахналаштирилган саволни Сурхоннинг ўзини матбуот котиби берған бўлса керак. Сурхондарёда бир мақол бор: .......... к.тга арпа уни баҳона!
   
29 мар 08:30:28
Timur Nazarov
Буни шифокорлардан сураш керак ,мен билмайман???
Шу пайтгача сурамадингми ит?
   
29 мар 08:11:27
Фарход
На тренерда, на уйиинчиларда айб, хамма билиб турибти, ( билмаганлар укисин булсин "'ERIEEL"' эрил компанияси ойлик маош тула ололмаяпти ( Бойсундаги катастрофа кегин, оркага кетди иши ), бэ пул ким ишлайди , наоборот хамма ишламасдан ойлик олишни хохлайди. Февзи Давлетов яхши мутахасис
   
29 мар 06:29:00
Bek
Эриел компанияни пули помади ишчиларига ойлик тулолмай юрибди нечи ойдан буен буеги бойсундаги проблема халиям хал бумаган уйинчилаям худди шунака пулсиз шу учунам атайлаб уйнамаяпти келаси йил сурхонни 1чи лигада курамиз шекилли
   
29 мар 04:18:23
Baxtiyor
Ўйин йўқ. Мураббий алмаштирилиши керак. Кейин кеч бўлиб қолади.
   
29 мар 03:40:15
Abdusalom Mirzayev
Руҳан синдик, мани хабарим йўқ, ишлаяпмиз, фалончидан сўраш керак, билмадим-бу бош мураббийми?
   
29 мар 00:37:17
Aziz Abdullayev
Беш Минг йиллик искандеровларга осилмасдан ку́зни котта очиб караш керак талант тикилиб ётибти кашф килиш керак
   
29 мар 00:08:07
Норбек Пирназаров
Давлетовни командировкаси тугади менимча,уз ихтиёри билан кетгани яхши.
   
29 мар 00:07:09
Уктам
Рухан синган булса тренер нима учун керак ?
   
28 мар 23:49:20
Йулдош Менглиев
Уйинни курдим утган мавсумдаги уйиндан асар хам йук хаеф буларга топширилган стадион дарвазабон ярим жамоа дегани Патапов зур дарвозабон уни куйиш керак
   
28 мар 23:46:41
Йулдош Менглиев
Don K'arleon фойдаланувчининг фикрига жавоб бериш
Тушунмадим, жамоа билан Туркияда бир ой дам олиб келиб рухан синиб қолдиларингми? Дарвозабон масаласи.. Тўғри бу жамоанинг ичидаги "ИШ" Чунки Потапов маошини ҳеч ким бн бўлишгиси келмаётгандир!!?? Суперлига йил рамзий терма жамоатидан ўрин олган дарвозабонни не кўйга солдиларинг, Нимели қочиб қутулди қайтиб суперлигамизга қадамини босмаса керак. Хуллас Февзижон обрўйингиз борида чемадон ташвишини ўйлаб кўраверинг... Менимча охирги сахналаштирилган саволни Сурхоннинг ўзини матбуот котиби берған бўлса керак. Сурхондарёда бир мақол бор: .......... к.тга арпа уни баҳона!
Туппа тугри айтдингиз кушиламан
championat.asia
< сўнгги янгиликларни кўриш
Яндекс.Метрика