Февраль ойидаги ўйинлар “Бунёдкор” учун қандай ўтган?

Шу куни “қалдирғочлар” БАА чемпионати етакчиларидан бири “Ал-Жазира” клубини қабул қилади. Тошкентда бўлиб ўтадиган ва битта учрашув натижасига кўра ғолибни аниқлайдиган баҳс гуруҳ босқичига йўлланма беради.
Чемпионлар лигаси баҳсларида саккизинчи мавсум иштирок этадиган “Бунёдкор” учун февраль ойида ўтказилган учрашувлар қандай натижалар олиб келгани кўпчиликка қизиқ бўлиши табиий. Шуни инобатга олган ҳолда статистикага мурожаат этдик.

“Қалдирғочлар” ўзлари иштирок этган етти мавсумнинг учтасида февраль ойида мусобақага киришишган. Эътиборлиси, ушбу ой “Бунёдкор” учун бир мунча қуйлай келган: 3та ўйин, 2та ғалаба ва бир дуранг. Қизиғи шундаки, “Бунёдкор” февраль ойида ўтказилган Осиё Чемпионлар лигаси баҳсларида ўз дарвозасидан бирон маротаба ҳам гол ўтказиб юбормаган.

25.02.2014
Гуруҳ босқичи. 1-тур
“АЛ-ФАТҲ” (Саудия Арабистони) – “БУНЁДКОР” (Ўзбекистон) 0:0

27.02.2013
Гуруҳ босқичи. 1-тур
“САНФРЕЧЧЕ ХИРОСИМА” (Япония) – “БУНЁДКОР” (Ўзбекистон) 0:2 (0:1)
Голлар: Олександр Пишур 45 (0:1), Фозил Мусаев 86 (0:2)

23.02.2010
Гуруҳ босқичи. 1-тур
“БУНЁДКОР” (Ўзбекистон) – “АЛ-ИТТИҲОД” (Саудия Арабистони) 3:0 (2:0)
Голлар: Ривалдо 4 (1:0), Жасур Ҳасанов 21 (2:0), Денилсон 67 (3:0)

Ўйлаймизки, 2015 йилнинг 17 февраль куни БААнинг “Ал-Жазира” клубига қарши ўтказиладиган “плей-офф” босқичидаги ўта муҳим баҳсда ҳам “Бунёдкор” ўзининг ёқимли анъанасини давом эттиради.