Фатҳи Ал Жебали: "Ҳозир биз ҳам, "Бунёдкор" ҳам қийин аҳволда"

"Аввалом бор сизлар кўрсатаётган меҳмондўстлик учун раҳмат. ОЧЛда 4та тур ўйинлари бўлиб ўтди. Биз ҳам, "Бунёдкор" ҳам қийин аҳволда. Агар "Ал Фатҳ" ҳақида гапирсам, биз мусобақада дебют мавсумни ўтказаяпмиз. Натижадан қониқмадик, лекин нима бўлган тақдирда ҳам мен шогирдларимни танқид қила олмайман. Кайфиятимиз яхши. Кичик бўлса ҳам умидимиз бор, шу боис охиригача курашамиз", - деб гап бошлади Фатҳи Ал Жебали.

"Бу матбуот анжуманида сизлар билан кўришиб турганимдан хурсандман. "Бунёдкор" билан ўйин кескин ўтади, сафарда ўйнаймиз. Мусобақадаги илк ғалабамизга эртанги ўйинда эришмоқчимиз", - дейди Муҳаммад Ал Фаҳед.

- "Бунёдкор"да бош мураббий ўзгарган лекин менимча жамоанинг тактикаси ўзгармайди. Рақибдан қўрқмаймиз. Биз фақат ўз ўйинимизни кўрсатишга интиламиз.

- Ҳар қандай мусобақада тўпланган очколари, жамоа кўрсатган ўйинлар барчасини кўрсатиб беради. Гуруҳда "Фулад" ва "Ал Жаиш" клублари биздан кучли экани тушунарли. Бу икки клуб ўзаро ўйин ўтказади. Ушбу баҳсда бизни қониқтирадиган натижа қайд этилишига умид қиламиз.

- Саудия Арабистони футболи тарихига назар солсангиз бизни клуб доим кучлилар сафида бўлмаганини кўрасиз. Чемпион бўлганимиз шов-шув бўлганди лекин бу мавсум у қадар муваффақиятли ўйнай олмадик.