Фаррух Ахунов: "Ҳозир "Цементчи"да рақобат жуда кучли"
31 янв 2019 21:21
Янгиликлар

Фаррух Ахунов: "Ҳозир "Цементчи"да рақобат жуда кучли"

Фарғона вилояти "Ҳоким кубоги-2019” мусобақаси “В” гуруҳи 2-туридан ўрин олган “Цементчи” – “Локомотив U-21” (0:0) учрашувидан сўнг қувасойликлар футболчиси Фаррух Ахунов championat.asia сайтига интервью берди.

Бугун қизиқарли ўйин бўлди. "Локомотив" жамоасининг ёш таркиби бизга қарши жуда яхши ҳаракат қилишди. Ўз навбатида биз ҳам бу жамоага нисбатан жиддий тайёргарлик кўрган эдик. Ҳисоб очилмаган бўлсада, бугун мухлисларга ёқадиган қизиқарли учрашув бўлди деб ўйлайман. Жамоамиз раҳбариятига, бош мураббийимиз Сардор Зокировга бизни "Ҳоким кубоги-2019" мусобақасига олиб келганликлари учун миннатдорчилик билдирамиз. "Цементчи" жамоаси таркибига қўшилганимдан хурсандман, бу жамоа ўз олдига ҳар доим жиддий мақсадлар қўяди. Тўғрисини айтаман, ҳозир жамоамизда рақобат жуда кучли, ким ўзини кўрсата олса, ёрқин ўйинлар кўрсата олса, ўша жамоада қолади.Ушбу мусобақа миллий чемпионатларимизга янада яхшироқ тайёрланишимизга имкон яратмоқда.

"Ҳоким кубоги-2019" мусобақасида ҳар бир учрашувда ғалаба учун майдонга тушамиз. Олдинда бизни кучли рақибларга қарши учрашувлар кутиб турибди. Барча ташкилотчиларга миннатдорчилик билдираман.

Достонбек Умурзақов ёзиб олди.