Фарҳод Соҳибжонов: "Шу мухлислар учун ҳам "Андижон" Суперлигага қайтади"

Мазкур учрашувда жамоасининг иккита голига муаллифлик қилган футболчилардан бири Фарҳод Соҳибжоновдир. Ўйиндан сўнг ярим ҳимоячининг фикрлари билан қизиқдик. 

"Хоразм" билан ўйиндан сўнг руҳий тушкунликка тушиб қолган эдик. Агарда бу ўйинни ютиб олсак ҳаммаси ўтиб кетарди. Худога шукур "Арал Самали"ни мағлубиятга учратдик. Мухлислар олдида юзимиз ёруғ бўлди. Худо хоҳласа шу ишқибозлар учун ҳам жамоа Суперлигага қайтади.  

Про лиганинг дастлабки турларидан жамоаларни кучли ёки кучсизга ажратиш қийин. Рақибимиз илк дақиқалардан бошлаб яхши ҳаракат қилди. Биринчи гол эса ишимизни осонлаштирди. Мураббийимиз нима бўлишидан қатъий назар олдинга прессинг қилишимизни айтганди. 

Мақсадим жорий мавсумни юқори даражада ўтказиб топ клублар сафига бориб қўшилиш. Ҳар бир футболчи катта жамоаларда ўйнашни орзу қилади",- дейди Фарҳод Соҳибжонов