UZ

Сўнгги янгиликлар

17:34Ўзбекистон Кубоги финалида ишлаган VAR: "Фикримча, Ресаннинг ҳаракати қизил карточка эди. Бу вазиятда бош ҳакам билан фикримиз икки хил бўлди"  4 17:21Суперлига. 27-тур дисквалификациялари: ОКМК, "Пахтакор", "Бунёдкор", "Навбаҳор" ва "Андижон"да йўқотишлар бор  2 17:05ЎзФҲМ раҳбари: "Ҳакам финалдан 2 кун олдин Термиздаги ўйинда ишлагани кичкина хатолик бўлди. Буни мен бўйнимга оламан"  15 16:43"Пахтакор" – "Бухоро" учрашуви бош ҳаками: "Эҳтиётсизлик натижасида содир этилган қўполлик учун Ресанга сариқ карточка кўрсатдим"  9 16:07Бу қизиқ! "Ливерпуль" истеъдоди 16 дақиқада 2 та қизил карточка олди  2 15:40Манба: "Динамо" етакчиси фаолиятини "Пахтакор"да давом эттириши мумкин  11 15:16Ямаль энди аввалгидек ўйнолмайдими?  3 14:52Равшан Эрматов: "Илмий-таҳлилий ёндашув орқали ўсмир футболчиларнинг ривожланишини ўрганиб бориш, таҳлил қилиш керак"  5 14:14Мактоминей АПЛга қайтиши мумкин, фақат МЮга эмас  2 13:45Винисиус "Эл Класико"даги иши учун узр сўради  11 13:17ПСЖ футболчиси оғир жароҳат олди  1 12:54Хайрулла Ҳамидов: "Қизил бермаслик учун ҳакамларда ҳеч қанақа талқин йўқ эди"  23 12:25Отабек Жўраев: "Кубок финалига чет эллик ҳакамларни таклиф қилиш керак эди. Масалан, Италиядан. Дон Фабио ёрдам берган бўларди деб ўйлайман"  13 11:50Суперлиганинг 26-тур ўйинларида ҳакамлик хатолари кузатилдими?  3 11:35Абдуқодир Ҳусанов кечаги ўйиндаги ҳаракатлари учун неча баҳога лойиқ кўрилди?  10

Фарҳод Нишонов: "Кубок ўйинларида янада узоқроқ боришни мақсад қилгандик" Янгиликлар

Фарҳод Нишонов: "Кубок ўйинларида янада узоқроқ боришни мақсад қилгандик"

Ўзбекистон Кубоги 1/8 финалдан ўрин олган "Пахтакор" – "Олимпик-MobiUz" (2:1) учрашувидан сўнг матбуот анжуманида "Олимпик-MobiUz" бош мураббийи Фарҳод Нишонов иштирок этди.

- Ўйин ҳақида фикрингиз?

- "Пахтакор"ни кейинги босқичга чиққани билан табриклайман. Бугун биз яхши ва кучли жамоага қарши ўйнадик. "Пахтакор" маҳорат бобида устун эканини кўрсатди ва ғалаба қозониб кейинги босқичга йўл олди.

- Жамоангизнинг Кубокдаги иштирокини қониқарли баҳоласа бўладими?

- Тўғрисини айтсам, Кубок ўйинларида янада узоқроқ боришни мақсад қилгандик. Нимчорак финалда "Пахтакор" бизга рақиб бўлгани ҳам ўз ниятимиздан қайтармаганди. Тўғри, "Патакор" кучли, лекин биз ҳам ўз футболчиларимизга ишонгандик. Жамоамиз кучли рақибга қарши қўрқмай тенгма-тенг ўйнади, мени шу хурсанд қилди.

- Ҳакамлик ҳақида нима дея оласиз? Учрашув охирларида баҳсли пенальти вазияти юзага келди, қолаверса жамоангиз томонидан киритилган гол инобатга олинмади.

- Менда ҳали такрорий вазиятларни кўриб чиқиш учун вақт бўлмади. Бугунги баҳсда VAR ишлади, ҳакамлар VARга мурожаат этишди, қарор қабул қилишди. Бу саволларни Ҳакамлар қўмитасига қолдирган маъқул, чунки бу бизнинг ишимиз эмас. Шу ўринда ҳакамларга эътирозим: ўйинда тўхталиш кўп бўлди, лекин ҳакамлар кам вақт қўшди.

- Клуб бош ҳомийси "MobiUz" компанияси сотувга қўйилгани жамоага ўз таъсирини кўрсатяптими?

- Йўқ, бу ҳақда энди сиздан эшитдим. Жамоадаги ҳамма ишлашда давом этяпти. Бу ҳам Олимпиада учун лойиҳанинг бир қисми, шу боис маблағ томонлама муаммо кўрмаяпман.

- Жамоангизда яққол етакчи йўқлиги сезилди. Балки тажрибали ёш катта бир-икки нафар ўйинчини қўшиб олган маъқулдир?

- Тўғри, тажрибали футболчилар бўлса яхши. Лекин биз навбатдаги Олимпия ўйинлари йўлидаги лойиҳа бўлганимиз учун ўз йўлимизни ўзгартира олмаймиз. Аввалги "Олимпик" ҳам ёшлардан иборат эди ва улар вазифани бажаришди. Биз ҳам шунга ҳаракат қиламиз.

- "Олимпик-MobiUz" Пролигада пешқадамлик қилмоқда. Суперлигага чиқиш йўлида жамоангиз қийналиб қолмайдими?

- Таркибимизга яна икки-уч нафар яхши футболчи керак. Лекин қийналиб қоламиз деб ўйламайман. Футболчилардан кўнглим тўқ, ҳамма астойдил меҳнат қиляпти. Фақат вазиятларни голга айлантириш борасида янада кўпроқ ишлашимиз керак.


Рейтинг:    

Ўхшаш янгиликлар

Фикрлар

championat.asia
< сўнгги янгиликларни кўриш
Яндекс.Метрика