Ўзбекистон U-20 бош мураббийи Фарҳод Нишонов: "Бизда 23 нафар тенг кучли футболчи бор. Бундай жамоа билан катта натижага эришса бўлади"
25 сен 2024 10:45
Янгиликлар

Ўзбекистон U-20 бош мураббийи Фарҳод Нишонов: "Бизда 23 нафар тенг кучли футболчи бор. Бундай жамоа билан катта натижага эришса бўлади"

Теглар : U-20 Осиё Кубоги саралаши Фарҳод Нишонов

Ўзбекистон U-20 терма жамоаси бош мураббийи Фарҳод Нишонов Осиё кубоги саралаши доирасидаги Камбоджага қарши ўйиндан кейин (7:0) championat.asia сайтига интервью берди.

"Биринчи ўйинда ғалаба қозондик. Барчаси режа бўйича кечди, захирадан тушганлар ҳам ўйинни кучайтириб беришди. Охирги дақиқаларга қадар бир хил темпда ҳаракат қилдик. Ҳар икки кунда ўйинлар бор, лекин бу бизга муаммо бўлмаса керак. Сабаби бизда 23 нафар бир-бирига тенг бўлган футболчилар бор. Шу боис Непалга қарши ўйинда ҳам асосий таркибда ротация қиламиз.

Йигитлар ҳам жисмонан, ҳам руҳий чарчоқлари чиқди. Бор эътибор иккинчи ўйинга қаратилган. Худо хоҳласа, Осиё кубогига йўлланма оламиз, чунки менда футболчиларга ишонч бор. Аҳил, тажрибали ҳақиқий жамоани кўряпман, захирада ўтирганлар майдондагиларни қўллаб туришибди. Бундай жамоа билан катта натижага эришиш мумкин.

Гуруҳимиздаги вазият ҳозирча жуда чигал, сабаби барча жамоада ҳали имконият бор. Насиб қилса Непални мағлуб этсак, Камбоджа Баҳрайн билан тенгма-тенг ўйнаса керак.

Йигитлар фақат ғалаба ҳақида ўйлашмоқда, барчада ўзига бўлган ишонч бор. Худо хоҳласа ҳар бир учрашувда ғалаба қозониб, Осиё кубогига чиқамиз", - деди Фарҳод Нишонов.

Ҳавола :

Манба : championat.asia

Янгиликларни Телеграмда ўқинг!

Рейтинг: