Фарғонада 2005-2006 йилларда туғилган ўсмирлар ўртасида “Дўстлик кубоги” Республика мусобақаси ўтказилди
11 ноя 2020 19:07
Янгиликлар

Фарғонада 2005-2006 йилларда туғилган ўсмирлар ўртасида “Дўстлик кубоги” Республика мусобақаси ўтказилди

Жорий йилнинг 6-10 ноябр кунлари спортнинг футбол туридан “Дўстлик” Кубоги учун Республика очиқ турнири ўтказилди.

Мусобақа 2005-2006 ҳамда 2007-2008 йилларда туғилган ёш футболчилар ўртасида ташкил этилди.

Мазкур мусобақа Фарғона вилоят Жисмоний тарбия ва спорт бошқармаси, вилоят футбол ассоциацияси, Фарғона шаҳар спорт бўлими ҳамда Фарғона шаҳар 1-болалар ўсмирлар спорт мактаби хамкорлигида ташкилланди. Мусобақада жами 22 жамоадан 400 га яқин ёш футболчилар иштирок этди. Ўйинлар “Нефтчи” спорт комлексидаги майдонларда ўтказилди.

Бугун мазкур мусобақада якуний финал учрашувлари бўлиб ўтди. 2005-2006 йилларда туғилган футболчилар ўртасида Фарғона шаҳар 1-БЎСМнинг "Истиқбол" жамоаси ғолибликни тантана қилган бўлса, 2007-2008 йилларда туғилган ўсмирлар ўртасида беллашувларда Қўқон шаҳрининг "Локомотив" жамоаси бош совринни қўлга киритди.

Ғолиблар мусобақа якунида диплом ва эсдалик учун совғалар билан тақдирландилар.