Toshkent vaqti bilan 23:55 da boshalanadigan uchrashuvda Mirjalol Qosimov shogirdlariga Saudiya Arabistonining "Al Hilol" jamoasi raqiblik qiladi.
Arab klubining ayni paytdagi eng qimmat futbolchisi perulik Andre Karrilo hisoblanadi. "Transfermarkt" portali 29 yoshli o'yinchini 8,5 million evroga baholamoqda.
Faoliyati davomida Portugaliyaning "Sporting" hamda "Benfika", Angliyaning "Uotford" jamoalarida o'ynagan vinger 2018 yilning yozida "Al Hilol" tarkibiga (ijara huquqi asosida) ko'chib o'tgan edi. O'shanda klub rahbariyati Karriloning 1 yillik ijarasi uchun 4 mln evro to'lagan va 2019 yilning yozida uning transfer huquqini 9,5 mlnga sotib olgan edi.
Ma'lumot uchun, AGMK klubi tarkibidagi barcha futbolchilarning ayni paytdagi transfer bahosi qo'shib chiqilsa, 7,5 mln evro bo'ladi. "Al Hilol"ning to'liq tarkibi esa 44 mln evroga baholanmoqda.
