Файзиев кетиш ҳақида ариза ёзди ёхуд "Сўғдиёна"ни энди ким бошқаради?

Бироқ кейин клуб расмий сайти орқали мураббий чиқиш қилиб, келаси йил ҳам жамоа билан бирга бўлишини таъкидлаганди.

Бугун олинган маълумотларга кўра, Даврон Орипович ҳақиқатдан ҳам ишдан кетган. Бунга ойдинлик киритиш мақсадида Файзиевнинг ўзи билан боғланишга ҳар қанча уринмайлик, барибир буни устидан чиқа олмадик.

Қўнғироқларимиз жавобсиз қолгач, Жиззах футбол федерацияси вице-президентига мурожаат қилдик. 

"Бош мураббий Даврон Файзиев билан клуб бошлиғи Бахтиёр Ғофуров кеча ишдан кетиш ҳақида ариза ёзган. Лекин ҳозирча буни вилоят ҳокими кўриб чиқмоқда. Билишимча "Сўғдиёна" ҳам кечадан йиғинни тўхтатган. Навбатдаги бош мураббий ким бўлади? Тўғриси, ҳозир бу ҳақда аниқ жавоб беришим қийин. Ушбу масала 2-3 кунда ойдинлашади", - дейди Эргаш Ўринов.