Фабио Каннаваро ЦСКА бош мураббийига айланиши мумкин
18 июн 2025 20:21
Янгиликлар

Фабио Каннаваро ЦСКА бош мураббийига айланиши мумкин

ЦСКА Фабио Каннаваро билан музокараларни давом эттирмоқда.

Аввалроқ Москва клуби президенти Евгений Гинер шахсан италиялик мутахассис Фабио Канаваррони бош мураббий этиб тайинлашдан манфаатдор эканлиги ҳақида маълумот тарқалган эди.

Москва клуби 51 ёшли мураббийга 2027 йилгача мўлжалланган шартнома таклиф этганини Николо Скира хабар қилмоқда.

2024/25-йилги мавсумда армиячиларни Марко Николич бошқарган эди. Сербиялик мутахассис Россия Кубогидаги ғалабадан сўнг ўз лавозимини тарк этиб, АЭКка ўтди.

Ўтган мавсумда Каннаваро "Динамо Загреб"га мураббийлик қилган. У 2024 йил декабрда лавозимга тайинланган, 2025 йил апрелда эса ишдан бўшатилган. Унинг истеъфоси пайтида клуб Хорватия чемпионатида 3-ўринни эгаллаб турган, мавсумни эса шахсий учрашувларда "Рижека"дан ортда қолиб, 2-ўринда якунлаган.

Ҳавола :

Манба : championat.asia

Янгиликларни Телеграмда ўқинг!

Рейтинг: +2