"Бизни кенгайтирилган рўйхатимиздан 55 нафар футболчи ўрин олган. Бироқ бу рўйхатдан жой олмаган футболчиларни ҳам биз кузатишда давом этамиз. Балки кейинги йиғинда миллий чемпионатда ҳам ўзини яхши кўрсатган футболчиларни ҳам ушбу рўйхатга киритишимиз мумкин бўлади.
Мен терма жамоага чақиришни истаган футболчилар жуда ҳам кўп. Дубайдаги йиғинда ҳам ўзини кўрсатган бир қатор футболчиларни чақиришни истаган бўлардим. Танлов кўплиги ҳам менга ёқимли муаммони туғдирмоқда. Бизда 55 кишилик рўйхат бор. Бу рўйхатда ёши катта футболчилар ҳам ёш футболчилар ҳам бор. Албатта қайсидир исмни айтмаган бўлардим, чунки бу нотўғри деб ҳисоблайман. Мен ҳар бир футболчи билан гаплашиб чиқдим. Мени хурсанд қиладиган нарса терма жамоа ихтиёрига етиб келган футболчилар қандайдир фахр ҳиссини туйишади. Бу жуда ҳам муҳим ҳисобланади", - деб фикр билдирди терма жамоа устози.
