FA мавсум бошида яширинча Бераинони допинг туфайли дисквалификация қилган

Бу чемпионат бошида содир бўлган.

Маълумотларга кўра, мусобақадан ташқари пайтда олинган допинг тест ижобий натижа берган. Организмда тикланишга ёрдам берадиган модда топилган. "Сток Сити" бош мураббийи Марк Хьюзнинг маълум қилишча, у футболчининг дисквалификацияси ҳақида билган.

"Биз бу ҳақда билар эдик. FA тартиб-интизом ишини очган ва Саидо саккиз ҳафтани ўтказиб юборган. Шартнома имзолашдан аввал бизга буни маълум қилишди. Агар бу ҳақда кўпроқ маълумот олмоқчи бўлсангиз, унинг собиқ клубига юзланинг.

Биз шартнома имзолашдан олдин, барча керакли текширувларни ўтказдик. Унинг ишлашидан мамнунмиз, Бераино эртанги баҳсни сабрсизлик билан кутмоқда" - дейди Хьюз.