Европада ЖЧ-2022 саралашига қуръа ташлаш маросими қачон ўтиши маълум
22 окт 2020 23:05
Янгиликлар

Европада ЖЧ-2022 саралашига қуръа ташлаш маросими қачон ўтиши маълум

Маросим 7 декабрь куни Цюрихда бўлиб ўтади.

Саралаш баҳслари орқали УЕФАга аъзо 55 мамлакатдан Қатарга йўл оладиган 13 та терма жамоанинг номи аниқланади.

Иштирокчилар 10 та гуруҳга тақсимланади. Уларнинг ярмида бешта, қолганларида эса олтитадан терма жамоа бўлади. Гуруҳ ғолиблари тўғридан-тўғри мундиал финал босқичига йўл олади. 2-ўринни олган ўнта терма жамоа эса плей-оффда қатнашади ва уларга аввалроқ Жаҳон чемпионатига чиқиш имкониятидан маҳрум бўлган Миллатлар Лигасининг энг яхши икки жамоаси қўшилади.

Аввалроқ, Европа қитъасида ЖЧ-2022 саралаш баҳслари 2021 йил 24 мартидан 16 ноябригача бўлиб ўтиши режалаштирилгани хабар қилинганди. Бундан ташқари, қўшимча ўринлар учун плей-офф ўйинлари 2022 йилнинг март ойида ўтиши кутилмоқда.

Ҳавола :

Манба : FIFA

Янгиликларни Телеграмда ўқинг!

Рейтинг: +6