Европада футбол мавсуми тугади, бизда энди бошланади

Бизда эса ҳақиқий ўйинлар мана энди бошланади.

Эътибор биринчи навбатда миллий терма жамоамизга қаратилади. 6 июнь куни Таиландга қарши ўртоқлик учрашуви, 12 июнда эса Эронга қарши расмий баҳсда майдонга тушамиз. ЖЧ-2018 саралаш босқичидан ўрин олган мазкур баҳс биз учун жуда муҳим аҳамиятга эга.

Ҳозирда иккала жамоа ҳам бўлажак учрашувга тайёргарлик олиб бормоқда. Бугун тунда эронликлар Черногория термасига қарши ўртоқлик ўйини ўтказишади. Учрашув бизнинг вақт билан 23:30да старт олади.

Биз эса сешанба куни "Бунёдкор" стадионида Таиланд термаси билан куч синашиб кўрамиз. Бу ўйин 20:00да бошланиши режалаштирилган. Энг муҳим ўйин эса табиийки 12 июнда "Озоди" стадионида бўлиб ўтади.

Бизда ҳаммаси мана энди бошланмоқда. Ҳали ҳеч нима йўқотилгани йўқ. ЖЧ-2018га бориш учун учта ўйин қолган ва барчаси ўз қўлимизда.