Европа чемпионатлари тарихи: Евро-1964

Иккинчи Европа чемпионати 1964 йилнинг 17-21 июнь кунлари Испанияда бўлиб ўтган. Турнирда финал баҳсида Собиқ Иттифоқ терма жамоасини 2:1 ҳисобида мағлубиятга учратган мезбонлар ғолибликни қўлга киритганлар.

Дастлабки чемпионат билан таққослаганда турнир саралашида иштирок этган жамоалар 17 тадан 29 тагача кўпайган.

Мусобақа давомида Люксембург ҳақиқий сенсация кўрсатган. Улар 1/8 финалда Голландияни мағлуб этгандилар. Чорак финалда Дания терма жамоасига қарши ўйинда эса қўшимча вақтлардагина 0:1 ҳисобида имконият бой берилганди.

Шу тариқа турнирнинг финал қисми - ярим финалларга Собиқ Иттифоқ, Испания, Венгрия ва Дания терма жамоалари етиб келганлар.

Ярим финалда Собиқ Иттифоқ терма жамоаси Данияни 3:0 ҳисобида мағлуб этган. Мезбон Испания терма жамоаси эса Венгриядан қўшимда таймларда 2:1 ҳисобида устун келган.

Учинчи ўрин учун баҳсда Венгрия қўшимча вақтларда Данияни 3:1 ҳисобида ютган.

"Сантьяго Бернабеу"да бўлиб ўтган финал ўйинида эса мезбонлар 2:1 ҳисобида ғалаба қозонганлар ва Европа чемпионига айланганлар.



Испаниялик Луис Суарес - турнирнинг энг яхши футболчиси


Евро - 1964

Чемпион: Испания

Иккинчи ўрин: Собиқ Иттифоқ

Учинчи ўрин: Венгрия



Европа чемпионатлари тарихи: Евро-1960