Европа Чемпионатига чиқа олмаган Голландия. Айбдорлар, фикрлар ва озгина кулгу

Бунда кимнинг айби кўпроқ? Ижтимоий тармоқларда бу ҳақида нима гап? Мураббий ва футболчилар бу ҳақида нима дейишмоқда?




Бруно Мартинс Инди Исландияга қарши ўз майдонидаги ўйиннинг биринчи бўлимида қизил карточка олганди. Бунинг оқибатида эса Данни Блинд ўзининг энг яхши ҳужумчиси Хунтеларни ўрнига ҳимоячи Брумни туширади ва Голландия 0:1 ҳисобида мағлуб бўлди.

Ҳаммадан кўп сариқ карточка олган Грегори ван дер Виль 7 та ўйинда терма жамоасининг тайинли ҳужум қилишига ёрдам бера олмади.

Робин ван Перси деярли бир йилдан бери терма жамоа сафида гол кирита олмаяпти



Майдонда ҳаммадан кўп ҳаракат қилган Уэсли Снейдер биргина гол билан кифояланди



Яспер Силлессен ўтган йилгига қараганда жуда кам ҳолларда жамоасини қутқариб қолди

Жоржиньо Вейналдум Исландия ва Туркия терма жамоаларига қарши бўлиб ўтган ўйинда "қовун туширди"



Гус Хиддинк саралаш босқичини Чехия ва Исландияга қарши мағлубият билан бошлади ва ёзда истеъфога чиқарилди

Мағлубиятдан сўнг эса терма жамоа аъзолари ўз фикрларини билдириб ўтишди:

Терма жамоа бош мураббийи Дейли Блинд: "Терма жамоада қолмоқчиман. Ўзимни мағлуб ҳисоблашни истамайман. Хатолардан хулоса чиқариб ишлашда давом этиш керак".

Уэсли Снейдер эса: "Бу муваффақиятсизликда Данни Блиндни айблаб бўлмайди, у футболчиларга ишонч билдирди, биз эса унга ғалаба билан жавоб қилишимиз лозим эди, аммо ғолиб бўлишни истасанг бунча кўп хато қилмаслигинг керак. Ҳаммаси барбод бўлди".

Терма жамоада анчадан бери гол кирита олмаётган Ван Перси эса қийинчиликлардан қўрқмаслигини айтиб ўтди: "Мен қийинчиликни ташлаб қочадиганлардан эмасман. Голландия терма жамоасини тарк этмайман. Энди биз мухлислар ва ОАВ томонидан бўладиган танқидга учраймиз. Голландия терма жамоасида ўйнаш мен учун шараф. Яхши ёки ёмон даврлиги муҳим эмас".

Афсуски, ушбу мағлубиятдан сўнг ЕВРО-2016га бормайдиган юлдузлар номли кичик мақоламиз терма жамоанинг футболчилари билан тўлди.

Буни шунингдек, терма жамоанинг ЖЧ-2014да 3-ўринни олгани билан боғлаганлар ҳам бўлди.

Албатта, терма жамоанинг ЕВРОдан четда қолиб кетиши ижтимоий тармоқларда бир қатор кулгиларга сабаб бўлди. Жумладан, мухлисалардан бири Голландия терма жамоасини келаси йилнинг ёзида мусобақани ТВ орқали кузатишига шаъма қилиб ўтган.

Иво Хрстич эса терма жамоани мағлубиятидан сўнг бўлиниб кетган апелсинни суратини жойлаган

"Арсенал" мухлислари хурсандлар. Ўз вақтида ушбу клубни ташлаб кетган Фабрегас бир кун олдин пенальтидан гол кирита олмаганди. Ван Перси эса ўз дарвозасига гол киритиб қўйди.

Бу эса Том ва Жерри мультфилимидан олинган саҳна :)

Ҳорижий сайтлар асосида тайёрланди