Евро-2024да ичида чипи бор тўплардан фойдаланилади

Тўпларга қўл билан ўйналганини аниқлашда ёрдам берувчи микрочип ўрнатилади.

Микросхема оёқ-қўлларини кузатиш технологияси билан тандемда ишлайди, бу эса реал вақт режимида ўйинчи танасининг уч ўлчамли тасвирини яратиш ва тўп айнан қаерга урилганини аниқлаш имконини беради.

Янги тизим қандай ишлашини кўрган ҳакамлар унинг аниқлигидан ҳайрон қолишди.

Шу билан бирга микрочип тўпга берилган зарба вақтини аниқ кўрсатади ва бу орқали офсайдни қайд этишга ёрдам беради.

Бу технология янги мавсумда Чемпионлар лигасида ишлатилиши номаълум. Бу тизимнинг нархига боғлиқ.