UZ

Сўнгги янгиликлар

03:03Клублар ўртасидаги ЖЧ. "Реал" "Боруссия"ни мағлуб этиб, ярим финалга чиқди, финал йўлидаги рақиб — ПСЖ  17 01:50"Арсенал" ва Мадуэке шартнома борасида келишиб олди. "Челси" билан музокаралар яқин кунларда бошланади  2 01:02Максим Шацких: "Афсуски, баъзи футболчиларимиз бундай даражадаги ўйинга тайёр эмас"  6 00:41"Челси" "Реал" ҳужумчиси учун 40 млн евро тўлашга тайёр  3 00:15Илёс Зейтуллаев: "Мен мураббийман, футболчининг шартнома масаласини клуб ҳал қилади"  0 23:41Асрор Алиқулов: "Иккинчи тайм учун йигитларга раҳмат айтаман"  1 23:22Миржалол Қосимов: "Иккинчи даврада ўзимизни кўрсатиб, аввалги мақомимизга қайтмасак бўлмайди"  1 23:10Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди  162 22:50Аёллар. Ўзбекистон терма жамоаси Непални пенальтилар сериясида мағлуб этиб, 23 йиллик танаффусдан сўнг Осиё чемпионатига чиқди  4 22:10Качоррининг дубли "Бунёдкор"га "Андижон" устидан ғалаба тақдим этди  44 21:55Суперлига. ОКМК "Машъал" майдонида қийинчилик билан ғалаба қозонди  4 20:29"Челси" 48,5 млн фунтлик трансферни эълон қилди  6 19:46Ўзбекистон ва Непал дуранг ўйнаса нима бўлади?  5 18:06Деку ва Флик ҳозирда Рэшфорд трансферини кўриб чиқмаяпти. "Барса" Диасга эътибор қаратмоқда  2 17:30"Сен буни ўқийсан". Жотанинг энг яқин дўсти ҳалок бўлган футболчига мактуб ёзди  4

Етакчи ортидан қувиб: А Серия 19-тур превьюси Янгиликлар

Етакчи ортидан қувиб: А Серия 19-тур превьюси

Бугун А Сериянинг навбатдаги тур учрашувлари старт олади.

"Салернитана" - "Наполи"

Ўтган турдаги ўта омадсиз ўйиндан кейин икки кунлик истеъфодан кейин Давиде Никола "Салернитана" таркибида ўзгариш қилиши деярли аниқ. Жамоа 4 ҳимоячи билан ўйнаса керак. Устига-устак Фацио ва Маццоки иштирок эта олишмайди, Бронннинг ўйнаши эса сўроқ остида. 

Спаллетти эса кичик жароҳатини даволаётган Хвича хизматларидан фойдалана олмайди, шундай экан унинг қанотдаги ўрнини Политано эгаллайди. Ҳужумдаги яна бир жой учун Распадори ва Элмас ўртасида кураш кечади, назаримизда, македонияликнинг бу борадаги имкониятлари бироз юқорироқ.

Ўтган сафар "Наполи" ўз уйида осонлик билан "Салернитана"ни мағлуб этганди (4-1). Аслида ҳозир неаполликлар сафарга боришсада, яққол фаворит саналишади. Жамоа тасодифан биринчи ўринда эмаслигини исботлаб, юқори даражадаги ўйин намойиш этмоқчи. Қўшимчасига мезбонлар ҳимоядаги муаммоларини қисқа вақт ичида буткул ҳал қилиб улгуришмаган бўлса керак.


"Специя" - "Рома"

Николау дисквалификация туфайли, Зут жароҳат сабаб ўйинда иштирок этолмайди. Шу сабабли дарвозани Дронговски қўриқлаши аниқ. Шунингдек, Кивиор "Арсенал"га кетганини таъкидлаш лозим. Бундан келиб чиқадики Готти ҳимоя борасида жиддий бош қотиришига тўғри келади. 

"Рома" асосий таркибига Ибаньес қайтса керак, у Кумбуллани алиштиради. Дисквалификация сабаб Заньоло ўйинни томошабинлар орасида кўради, шунинг учун Дибала ҳужумда Абрахамга ёрдам беради, Кристантенинг ёнида эса марказда Матич ҳаракат қилса керак.

Аввалги учрашувда "Рома" 1-0 ҳисобида зафар қучган. Римликлар бу сафар ҳам фаворит. Бу ерда "Специя"нинг ҳимоядаги муаммоларини ҳам унутмаслик зарур. "Рома" айнан рақиб ҳимоясидаги заиф нуқталарни излашини кутса арзийди деб ўйлаймиз.


"Ювентус" - "Аталанта"

Влахович, Погба ва Куадрадо узоқ танаффусдан кейин аста-секин сафга қайтмоқда, бу сафар улар ўйинни захира ўриндиғида бошлашса керак. Бонуччи ва Де Шильо эса ўйнамаслиги аниқ. Аллегри ҳужумда Ди Мария, Милик ва Костич учлигига ишонч билдириши кутилмоқда. 

Копмейнерс аввалги баҳсда сариқ карточка ишлаб олган, у футболчи учун 5-си эди, бу эса Гасперини учун ёмон янгилик бўлди. Бу ҳолатда Гасперини нима ўйлаб топиши қизиқ бўлади. Бергамоликларнинг бошқа етакчилари сафда ва ажойиб спорт формасида.

Ўтган сафар жамоалар муроса кўчасини танлашганди — 1-1. Ҳозир "кекса синьора" фаворит бўлсада, жамоа қандай ҳолатда эканлигини айтиш мушкул. Шу ўринда "Аталанта" охирги 2-ўйинда 13 та тўп киритганини ҳам эсдан чиқармаслик лозим. Катта эҳтимол билан бу тўқнашувда ҳам голлар кўп бўлади.


"Лацио" - "Милан"

Лаццари дисквалификациясини ўтаб, ўнг қанотга қайтади, Чиро Иммобиле жароҳати эса кутилганидан жиддийроқ бўлиб чиқди. Бундай вазиятда ҳужумда Фелипе Андерсон, Цаканья ва Педрони кўрсак ажабмас. Суперкубокдаги ишончсиз ўйин Пиоли хулоса чиқаришига туртки берса керак. Катта эҳтимол захирадан тушиб, ўйинга яхши қўшилган Ребич бу сафар асосий таркибдан ўрин олса керак. Муаммо шундаки жароҳатлар туфайли ротация қилиш қийин бўлади. Агар Крунич тайёр бўлса, Бенассер-Тоналли жуфтлигидан бирини алиштирса керак.



"Милан" ўтган сафар Римда 2-1 ҳисобида ғалаба қозонган. Бу сафар ҳам "россонери" яққол фаворит ҳисобланади. Умуман олганда ҳозир икки жамоа ҳам у қадар яхши формада эмас. Бироқ бу ҳолат аксинча, ўйинни янада қизиқроқ бўлишини таъминлаши мумкин.


Нозима Тўхтамирзаева таржимаси

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика