Эшитдикда! Виталий Левченко Тожикистон терма жамоаси бош мураббийлигига номзод

Тожикистон терма жамоаси бош мураббийлигига бир қатор номзодлар кўриб чиқилмоқда. Улар орасида Виталий Левченко ҳам бор.  Фикримизча, таклиф бўлган тақдирда ҳам мутахассис "Нефтчи"даги фаолиятини охиригача етказиб қўяди. Чунки мураббий "Истиқлол" жамоасида фаолият олиб борганда ҳам таклифлар кўп бўлган, лекин шартнома тугагандан кейингина бошқа жамоага кетган. 

"Нефтчи"даги молиявий ҳолат ёмонлиги ҳам мутахассиснинг кетишига туртки бўлиши мумкин.

Маълумот учун, Виталий Левченконинг "Нефтчи" билан шартномаси 2023 йилги мавсум сўнггига қадар мўлжалланган. Унинг бошчилигида фарғоналиклар айни пайтда Суперлигада учинчи ўринда бормоқда. 

Яна бир номзод - "Истиқлол" устози Игорь Черевченко. Тожикистон футбол федерацияси якунда қандай қарор қабул қилади, буни вақт кўрсатади.