Эшитдик-да! Забиҳилло Ўринбоев легионерга айланиши мумкин

Championat.asia маълумотларига кўра, футболчига Корея К2 лигасининг икки клуби қизиқиш билдирган. Ҳозирда томонлар ўртасида музокаралар олиб борилмоқда. Агарда музрокаралар ижобий якун топса, Ўринбоевни янги мавсумда легионер сифатида кўрамиз. Маълумот ўрнида айтиб ўтиш жоиз футболчи учун хорижда тўп тепиш бегона ҳолат ҳисобланамайди.  У ўз вақтида Япония J лига 2да ҳаракат қиладиган "Токусима Вортис" клубида фаолият олиб борган, лекин бирорта учрашувда майдонга тушмаган. Ўтган мавсум "Навбаҳор" жамоаси сафида барча мусобақаларда 25та ўйинда майдонга тушди ва 3та гол урди.