Эшитдик-да! Сречко Катанец терма жамоа билан бирга АҚШга уча олмади

Терма жамоа Тошкент - Истанбул - Атланта - Сент Луис йўналишида парвоз қилди. Бироқ championat.asia сайти маълумотига кўра, бош мураббий Сречко Катанец Истанбул аэропортида олиб қолинган. Бунга словениялик мураббийнинг паспортидаги кўплаб Осиё давлатларига кириш визаси сабаб бўлган ва Катанец қўшимча текширув учун Истанбулда олиб қолинган.

Ундан олдин Ўзбекистон терма жамоаси ўтирган самолёт Тошкентдан учишда 2 соат кечиккани учун Истанбулга кеч борган ва бунинг натижасида Атлантага учадиган самолётга кечиккан ҳамда Туркиядаги меҳмонхонада бир кеча қолишга мажбур бўлганди.

Биз кўплаб кутилмаган қийинчиликларга қарамай Ўзбекистон миллий терма жамоасига АҚШ ва Мексика билан ўйинларда омад тилаймиз. Сречко Катанец тез орада АҚШга учиб боришига умид қиламиз.