Championat.asia сайти маълумотига кўра, Ҳусайн Норчаев 2025 йилги мавсумни Қаршининг "Насаф" клубида бошлайди. Норчаев айнан шу клуб академияси тарбияланувчиси ҳисобланади.
Футболчи ўтган мавсум "Нефтчи" таркибида Ўзбекистон Суперлигасида 15 та ўйинда майдонга тушиб, 4 та гол урди ва 2 та голли узатмани амалга оширди.
Эслатиб ўтамиз, Ҳусайн Норчаев Португалиянинг "Брага" клубига ўтиши мумкин эди. Аммо виза билан боғлиқ муаммо туфайли бу трансфер амалга ошмай қолди.
