Championat.asia сайти маълумотига кўра, "Пахтакор" ҳужумкор ярим ҳимоячиси Драган Черан Ўзбекистон фуқаролигини олишга яқин ва терма жамоада ўйнаш ҳуқуқига эга бўлади. Бироқ июнь ойидаги саралашда Драган Черан Ўзбекистон терма жамоаси шарафини ҳимоя қила олмайди.
Сабаби сербиялик Драган Черан 2016 йил июль ойида Қаршининг "Насаф" клубига келган. Қонунчиликка кўра, юртимизда 5 йил муқим яшаган инсон фуқароликни олиш ҳуқуқига эга. Агар Саудия Арабистонидаги саралаш баҳслари 15 кун кейин бошланганида Черан бемалол терма жамоамиз сафида майдонга туша оларди.
