Эртага Фаластинга қарши ўйин, бугунги расмий тадбирлар рўйхати

Эртага ЖЧ-2022 саралаши доирасида Фаластинга қарши ўйин бўлиб ўтади. Бугун эса терма жамоа делегациясини қатор расмий тадбирлар кутиб турибди. Дастлаб маҳаллий вақт билан 12:00 (Тошкент вақти билан 14:00)да ҳар иккала терма жамоа расмийлари иштирокида йиғилиш бўлиб ўтади. Унда томонлар эртага қандай рангдаги либосларда тўп тепишни ҳам келишиб олишади. Шундан сўнг 13:00 (Тошкент вақти билан 15:00)да ҳар икки терма жамоа бош мураббийлари ва бир нафардан футболчи иштирокида матбуот анжумани бўлб ўтади. Ўзбекистон терма жамоаси ўйинолди расмий машғулотни 17:00 (Тошкент вақти билан 19:00)да учрашув бўлиб ўтадиган "Фаисал Ал-Ҳуссеини" стадионида ўтказади.

Ўзбекистон МТЖнинг 4 сентябрга мўлжалланган расмий тадбирлар рўйхати:
12:00 (Тошкент вақти билан - 14:00) - Ҳар икки терма жамоа расмийлари иштирокида йиғилиш;
13:00 (Т. - 15:00) - Фаластин ва Ўзбекистон миллий терма жамоалари бош мураббийлари ва бир нафардан футболчиси иштирокида матбуот анжумани;
17:00 (Т. - 19:00) - Ўзбекистон МТЖнинг ўйинолди расмий машғулоти.

"Championat.asia"ни кузатишда давом этинг, Фаластин ва Иорданиядан энг қайноқ хабарлар ва суратларни кузатиш имконига эга бўласиз.

"Championat.asia" шиори: Орзу қилинг, завқланинг ва бизни кузатинг!