Эрон терма жамоаси футболчилари Инстаграмни ўчириб қўйишди

Мазкур турнирга жиддий тайёргарлик кўриш ҳамда бошқа нарсага чалғимаслик мақсадида терма жамоа футболчилари ўз Инстаграм аккаунтларини номуайян муддатга ўчириб қўйишди. Инстаграмдан фойдаланишни ҳеч ким уларга тақиқлагани йўқ, балки футболчи ва мураббийларнинг ўзи шундай қарорга келишди.

Эрон терма жамоаси пайшанба куни Тринидад ва Тобагога қарши ўртоқлик учрашуви ўтказади. Бу ўйинга тайёргарлик ўтган якшанбадан бошланди. Кеча эса терма жамоага чақирилган ҳамма футболчилар ўз Инстаграмларини ўчириб қўйишди. Эроннинг Осиё Кубогида ғолиб чиқмаганига 42 йил бўлди, шу боис футболчилар бор диққат-эътиборни шу мусобақага қаратишган. Шуни айтиш жоизки, Инстаграм ижтимоий тармоғи Эронда жуда оммабоп ҳисобланади ҳамда фойдаланувчилар сони ниҳоятда кўпчиликни ташкил этади.