Эрматов Жанубий Корея - Бразилия учрашувини бошқаради
24 сен 2013 18:21
Янгиликлар

Эрматов Жанубий Корея - Бразилия учрашувини бошқаради

Ўзбекистонлик ФИФА рефериси Равшан Эрматов бошчилигидаги ҳакамлар бригадаси 12 октябрь куни Сеулда бўлиб ўтадиган Жанубий Корея ҳамда Бразилия терма жамоалари ўртасидаги халқаро ўртоқлик учрашувни бошқариб бориш учун таклиф олди.

Жанубий Корея Футбол Уюшмаси мамлакат миллий терма жамоасининг 12 октябрь куни Бразилияга қарши кечадиган халқаро ўртоқлик учрашуви учун ФИФА рефериси Равшан Эрматовни тайинланишини сўраб ЎФФга расмий хат билан мурожаат қилди. Ўз навбатида, Ўзбекистон Футбол Федерацияси Жанубий Корея Футбол Уюшмасининг мазкур мурожаатини қондирди ва Равшан Эрматов 12 октябрь куни Жанубий Корея ҳамда Бразилия терма жамоалари ўртасидаги учрашувда бош ҳакам сифатида ишлайди.

12 октябрь куни Сеулдаги «World Cup Stadium» стадионида ўтказиладиган учрашувда Эрматовга қанотларда Абдуҳамидилло Расулов ҳамда Баҳодир Қўчқоровлар ёрдам беришади. Учрашув Тошкент вақти билан 17:00да бошланади.

Ҳавола :

Манба : the-uff.com

Янгиликларни Телеграмда ўқинг!

Рейтинг: