Эрлинг Ҳоланд "Манчестер Сити"ни тарк этиши мумкин: тафсилотлар маълум
04 окт 2024 12:58
Янгиликлар

Эрлинг Ҳоланд "Манчестер Сити"ни тарк этиши мумкин: тафсилотлар маълум

"Fichajes" хабарига кўра, Эрлинг Ҳоланд 2025 йилда "Манчестер Сити"дан кетиши мумкин.

Бундай қарорга Пеп Гвардиоланинг кетиши ва молиявий қоидабузарликлар туфайли клубга қўлланиши мумкин бўлган жиддий жазолар сабаб бўлади.

Ҳужумчига "Реал" ва ПСЖ клублари қизиқиш билдирмоқда. Келаси ёзда норвегиялик футболчи билан шартнома имзолаш учун жиддий кураш бўлиб ўтади.

Лига 1 гранди Ҳоландни ҳужумда Киллиан Мбаппенинг ўрнини боса оладиган футболчи сифатида кўрмоқда, испан гегемони эса клубни тарк этиши кутилаётган Винисиус Жуниорга ўринбосар қидирмоқда.

Эслатиб ўтамиз, 24 ёшли Ҳоланд "шаҳарликлар" сафига 2022 йилнинг ёзида 60 млн евро эвазига Дортмунднинг "Боруссия"сидан келиб қўшилганди. Бу даврда форвард 107 ўйин ўтказди: 101 гол, 14 голли узатма.

Ҳавола :

Манба : Fichajes

Янгиликларни Телеграмда ўқинг!

Рейтинг: +9