Эрик тен Хаг: "Бу ғалаба жамоанинг бирдамлигини кўрсатди"

"Барчаси табиий. Албатта, ғалаба жуда муҳим эди. Яхши рақибларга қарши оғир сериялар ўтказдик, уларда мағлуб бўлмаслигимиз керак эди. Бу ғалаба эса жуда муҳим бўлиб турганди.

Менга жамоавий руҳ ёқди, ҳар бир футболчи охиригача курашди. 11 футболчи ҳимояда ўйнади, 11 киши ҳужумга ўтди. Барча бир-бирини қўллаб турди.

Кўп нарса бизга қарши бўлди, жароҳатдан тортиб, қарорларгача. Бу Мерфи қонуни - ҳамма нарса Сизга қарши ишлайди. Бироқ курашишда, ҳолатни ўзгартиришда давом этиш керак. Бу ғалаба орқали кийим алмаштириш хонасидагилар бирдам эканлиги кўринди.

Ҳар бир учрашувдан яхши ҳолатларни оляпмиз, аммо ғалабалар учун барқарорлик керак. Эванс зўр пас берди, Брунунинг ҳаракати ҳам, зарбаси ҳам такрорланмас бўлди. Ўтган мавсумда биз қуруқ ўйинлар бўйича етакчи бўлгандик. Ҳимояда жуда тартибли ва ўз қонунларимизга кўра ҳаракатлангандик. Агарда шундай ўйин кўрсатсак, "Манчестер Юнайтед"га қарши ўйнаш барча учун оғир бўлади", - деди тен Хаг.