Энг шов-шувли трансфер - Анвар Бердиев "Бунёдкор"да!

Орадан беш кун ўтиб сўровнома натижаларини беришга қарор қилдик. Натижаларга тўхталишдан олдин шов-шувли трансферга номзодларни яна бир бора келтириб ўтсак.

1.   Анвар Солиевнинг “Бунёдкор”дан “Пахтакор”га ўтиши
2.   Зайниддин Тожиевнинг “Локомотив”дан “Нефтчи”га ўтиши
3.   Анвар Бердиевнинг “Нефтчи”дан “Бунёдкор”га ўтиши
4.   Илҳом Суюновнинг “Пахтакор”дан “Локомотив”га ўтиши

Шу пайтгача ушбу сўровнома бўйича жами 191та овоз келиб тушди. Энг кўп овозни Анвар Бердиев трансфери тўплади. Ушбу ўтишга 65 нафар мухлис овоз берган. Зайниддин Тожиевнинг “Нефтчи”га ўтиши 47та овоз билан иккинчи ўринни қўлга киритган бўлса, Анвар Солиев трансфери 40та овоз тўплаб учинчи ўринга тушди. Ва ниҳоят, Илҳом Суюновнинг “Пахтакор”дан “Локомотив”га ўтиши 39та овоз йиғди.

Сўровнома натижалари:
Анвар Бердиев (Нефтчи - Бунёдкор) 65
Зайниддин Тожиев (Локомотив - Нефтчи) 47
Анвар Солиев (Бунёдкор - Пахтакор) 40
Илҳом Суюнов (Пахтакор - Локомотив) 39  
Жами: 191 овоз. Сўровнома 2 август куни киритилган.

Кўриб турганингиздек, Анвар Бердиевнинг “Нефтчи”ни тарк этиб “Бунёдкор”га йўл олишини аксарият ўқувчиларимиз энг шов-шувли трансфер сифатида қайд этишган. Қашқадарёлик ҳужумчи бундан буён янги жамоасида 29-рақам остида тўп суради. Анвар Бердиевнинг “Бунёдкор”да қанчалик яхши ўйнаб кетишини вақт кўрсатади.
 
Хайрулла Холиқов