Эмери собиқ жамоаси "Арсенал"га қарши ўйин олдидан нималар деди?

"Микель Артета футбол ҳақидаги тасаввурларини ҳаётга татбиқ этмоқда, буни жамоанинг ўйин услубида яққол кўриш мумкин. Артета Хосеп Гвардиоланинг ёрдамчиси бўлган биринчи қадамларидан кўп нарсаларни ўрганди. Шунинг учун у "Арсенал"да ўзини кўрсатиш имкониятини қўлга киритди. Менимча, бу ривожланиш учун ажойиб жой. Таъкидлаш жоизки, "Арсенал" мухлислари клуб рангларини ҳимоя қилиб келган Артетани олдиндан жуда яхши кўришади. У Арсен Венгер бошчилигида ўйнаш бахтига муяссар бўлган ва ишонаманки, испаниялик эга бўлган билимларидан фойдалана олади. Менимча, Артета ва "Арсенал" бу қойилмақом бирлашув", – деди Эмери.

Эслатиб ўтамиз, Эмерининг ўзи "канонирлар"ни 2018 йил майдан 2019 йил ноябргача бошқарган.

"Вильярреал" ва "Арсенал" ўртасидаги Европа Лигасидаги ярим финал қарама-қаршилигининг биринчи учрашуви 29 апрель, пайшанба куни бўлиб ўтади. У Тошкент вақти билан 23:59 да бошланади.