Элёр Орипов: "Биз ўз хатоларимиз туфайли мағлубиятга учрадик"
31 мар 2017 16:28
Янгиликлар

Элёр Орипов: "Биз ўз хатоларимиз туфайли мағлубиятга учрадик"

Кеча Ўзбекистон чемпионати 4-тур учрашувлари доирасида Қаршининг "Насаф" жамоаси ўз уйида Жиззахнинг "Сўғдиёна" жамоасини қабул қилди ва йирик 4:0 ҳисобида ғалаба қозонди.

Ушбу учрашувдан сўнг "Сўғдиёна" клуби футболчиси Элёр Орипов ўз фикрлари билан ўртоқлашди.

"Насаф" жамоасига қарши учрашувда кўп хатоларга йўл қўйдик. Ўтказиб юборилган голларда бир футболчини айблаб бўлмайди. Мағлубиятга учрадикми, демак бу жамоанинг хатоси. Майдонда 11 футболчи ҳаракат қилади. Шунинг учун ҳам мағлубиятда барчанинг айби бор. "Насаф" кучли жамоа, бу исботлнган. Биз ўз хатоларимиз эвазига мағлубиятга учрадик. Тақвим биз учун оғир келди, десам муболаға бўлмайди, лекин барча жамоалар билан ўйнашимиз керак. Кейинги баҳсларги максимал даражада тайёргарлик кўрамиз, фақат ғалаба учун майдонга тушамиз", - дейди "Сўғдиёна" клуби футболчиси Элёр Орипов.