Элкесоннинг хитойча исмини биласизми?
24 авг 2019 12:45
Янгиликлар

Элкесоннинг хитойча исмини биласизми?

Хабарингиз бор, бразилиялик ҳужумчи Элкесон Хитой терма жамоасида ўйнашга рози бўлди.

"Гуангжу Эвергранд" футболчиси ЖЧ-2022 саралаш босқичида хитойликлар либосида тўп тепади. Дарвоқе у хитойча исм олишга ҳам улгурди: энди уни Элкесон эмас, Ай Кесен деб атасак ҳам бўлаверади.

Хитой терма жамоасида тўп тепиши маълум бўлгач, бразилиялик ҳужумчи дарҳол хитой тилини ўрганишни бошлаб юборди ва ўзининг янги исми Ай Кесенни хитойчада ёзишга ҳаракат қилди. Хитой терма жамоаси 30 август куни Мьянмага қарши ўртоқлик учрашуви ўтказади. Шунингдек, 10 сентябрда Мальдивга қарши ЖЧ-2022 саралаш баҳсида майдонга тушади. Бу ўйинларга Ай Кесен ҳам чақирилган.