Элдор Суюнов: "Белимдаги жароҳат безовта қилишни бошлади"

Аммо иқтидорли дарвозабон машғулотларда кўриниш бермаяпти. Бунга ойдинлик киритиш мақсадида Суюновнинг ўзи билан боғландик.

- Бундан бир неча ой илгари, аниқроғи "Нефтчи"га қарши кечган баҳсда белимдан жароҳат олгандим. Ўша пайтда унчалик жиддий кўринмаганди. Афсуски бугунга келиб оғриқ кучая бошлади.

- Шунинг учун ОТЖ йиғинида иштирок эта олмаяпман. Бугун Тошкентга келиб шифокорлар қабулида бўлдим (суҳбат 27 декабрь куни бўлиб ўтган). Текширув натижаларидан сўнг шуниси маълум бўлдики, менга яна 10-15 кун машғулотда қатнашиш мумкин эмас.

- Шу боис эртага яна Қаршига, уйимга қайтиб кетаман. 10-15 кун мобайнида муолажа олганимдан сўнг яна шифокорлар кўригидан ўтаман.

- Бу борада олимпия терма жамоаси устози Шуҳрат ака Мақсудов билан суҳбатлашиб, вазиятни тушунтирдим. У киши менга ишонч билдираётганини айтиб кўнглимни кўтарди. Насиб қилса мен учун ҳали ҳаммаси яхши бўлади.

Исломбек Рустамбеков