Эктор Купер навбатдаги йиғинда янгиланган таркибни синовдан ўтказади

Эктор Купер мазкур ўйинлар учун ташкил қилинадиган йиғинга Ўзбекистон ёшлар терма жамоасида ўйнаган ва Суперлигада ўзини яхши тарафлама кўрсатаётган янги номзодларни синаб кўриши кутилмоқда.

Эслатиб ўтамиз, Купер қўл остида терма жамоамиз дастлабки йиғинини 22 август - 11 сентябрга қадар Тошкентда ўтказганди. Ўша йиғин доирасида терма жамоамиз аввалига Сурияга (1:1) қарши, кейинчалик Эрон (0:1) билан ўртоқлик учрашувлари ўтказди.

Купер қўл остидаги терма жамоамиз иккинчи йиғинга катта эҳтимол 3-4 октябрь кунларидан бошлаб киришади.

Эктор Купер дастлабки йиғинга тажрибали ва охирги йилларда терма жамоамиздан муқим таклиф олган футболчиларни текширувдан ўтказди. Эндиликда Купер кўпроқ ёшларни, терма жамоадан ҳали чорлов олмаган футболчиларни синаб кўриши мумкин.

Ноябрда эса Купер ҳар иккала йиғинда ўзини кўрсатган ва синовдан муваффақиятли ўтган футболчилар, яъни оптимал таркиб билан йиғинга киришиши мумкин.