Joriy mavsum OCHLda bosh sovrinni qo'lga kiritgan "Guangju" jamoasi Xitoy Superligasining saviyasi haqidagi savolga javob bera oldi.
"Birinchi yig'inga kelganimda serbiyalik murabbiyimiz Aleksandr Stonoevich menga yosh ekanligimni aytib, shoshmasdan tarkibga qo'yishini ta'kidladi. Ilk xorij chempionati bo'lgani uchun moslashish uchun vaqt kerak ekanligini menga tushuntirdi. Birinchi o'yinim 2-turga to'g'ri keldi. Bahs davomida Kanutega golli pas berdim. Shundan keyin murabbiyimiz meni asosiy tarkibga kirita boshladi va o'z o'yinimni topib oldim” – deydi “Paxtakor” tarbiyalanuvchisi.
- Jamoa a'zolari seni qanday qabul qilishdi? Chunki Xitoyda hozir legionerlarga jiddiy e'tibor berishyapti...
- Avvaliga mensimaganlar ham bo'ldi. Keyin mashg'ulot va o'yinlardagi harakatlarimni kuzatib, menga nisbatan munosabatlari o'zgardi. Jamoamiz ahil.
- Shunday paytda nimalarni o'ylading, qaytib ketish fikri bo'ldimi?
- Aksincha, O'zbekistonda ham yaxshi o'yinchilar borligini isbotlashim kerak edi va buni uddalay olganimdan xursandman.
- Ichki chempionat kuchayib borayotgan bir paytda Xitoy terma jamoasining ishlari yaxshi emas?
- Chunki bu yerda asosiy ishni legionerlar bajaradi. Terma jamoada esa o'yin tizginini o'z qo'liga oladigan futbolchilar yo'q. Hozir Lippining kelishi haqida gaplar yuribdi. U "Guangju" bilan OCHLda g'alaba qozondi. Qolaversa jamoa tarkibining asosi MTJ a'zolari hisoblanadi. Chempionat kuchliligining ham asosiy sababi legionerlar. Mahalliy o'yinchilarning barchasida saviya deyarli bir xil.
- O'tgan yil "Guangju" so'nggi turdagina chempionlikni qo'lga kiritdi. Bu yil esa chempionlikni osonlikcha hal qilgandek. Ikkinchi o'rinni olgan "Jiangsu" esa aksincha quyi ligaga tushib ketishiga oz qoldi.
- 2013 yili "Jiangsu"ga katta omad kulib boqdi. Jamoa o'zimizdan "Neftchi"ga o'xshab o'ynaydi. Asosan yarim himoyachilarning faolligi evaziga. Bu yil negadir ularning o'yini biroz o'xshamadi.
- U yerda O'zbekistonlik futbolchilarga bo'lgan e'tibor qanday?
- Ajratish yo'q. Bu esa futbolda eng muhimi. Keyin ko'p narsa bosh murabbiyga bog'liq. Bizning murabbiy Kanutega qanday munosabatda bo'lsa, menga ham shunday bo'lyapti.
- Bizning oliy ligadan farqli ravishda Xitoyda hech bir jamoa o'yindan oldin g'alaba qozonmaydi. Bunday futbol sen uchun qiziq bo'lyaptimi?
- Jamoaga birinchi kelganimda bosniyalik jamoadoshim Darko Matich, bu yerda oddiy o'yin yo'qligini aytgandi. Amalda o'zim ham shunga guvoh bo'ldim. Stadion muxlislar bilan to'lib toshadi. Uy o'yinlarimizda aynan muxlislar hisobiga g'alaba qozonyapmiz, har bir o'yinimizda eng kamida 40 000 nafar muxlis keladi va bu manaviy jihatdan juda katta ozuqa. Xitoy chempionatida "Guangju"ni inobatga olmasangiz, o'yindan avval kim fovorit, kim autsayder bila olmaysiz.
- Oldingizda "Guangju" bilan Kubok o'yini turibdi. Lippi jamoasi OCHL va chempionatda g'alaba qozondi, sizlarni mensimasligi mumkin. Bu esa "Beyjing" foydasiga ishlashi mumkin.
- Agar shunday bo'lsa zo'r. Lekin Kubok ikkita o'yindan iborat ekanligini hisobga olsak, finalda ikki jamoaga ham oson bo'lmaydi.
- Bu yil jamoangiz uchinchi o'rinni qo'lga kiritdi...
- Jamoamiz oldiga OCHL yo'llanmasini beruvchi o'rinlardan birini qo'lga kiritish vazifasi qo'yilgandi. Buni uddaladik. Endigi vazifa Kubokda g'alaba qozonish. Chempionatda bundan ham yaxshi natija ko'rsatishimiz mumkin edi. Biroq OCHL biroz pand berdi. Yuqorida aytib o'tganimdek, bu yerda asosiy ishni legionerlar qilishadi. Shuning uchun zaxiramizdan joy olgan futbolchilarning saviyasi yuqori emasdi. Jamoa a'zolari 3 kunda bir o'yin o'tkaza olmasligi sabab, chempionat boshida muhim ochkolarni boy berdik.
Nodirxo'ja Yuldashev
"Birinchi yig'inga kelganimda serbiyalik murabbiyimiz Aleksandr Stonoevich menga yosh ekanligimni aytib, shoshmasdan tarkibga qo'yishini ta'kidladi. Ilk xorij chempionati bo'lgani uchun moslashish uchun vaqt kerak ekanligini menga tushuntirdi. Birinchi o'yinim 2-turga to'g'ri keldi. Bahs davomida Kanutega golli pas berdim. Shundan keyin murabbiyimiz meni asosiy tarkibga kirita boshladi va o'z o'yinimni topib oldim” – deydi “Paxtakor” tarbiyalanuvchisi.
- Jamoa a'zolari seni qanday qabul qilishdi? Chunki Xitoyda hozir legionerlarga jiddiy e'tibor berishyapti...
- Avvaliga mensimaganlar ham bo'ldi. Keyin mashg'ulot va o'yinlardagi harakatlarimni kuzatib, menga nisbatan munosabatlari o'zgardi. Jamoamiz ahil.
- Shunday paytda nimalarni o'ylading, qaytib ketish fikri bo'ldimi?
- Aksincha, O'zbekistonda ham yaxshi o'yinchilar borligini isbotlashim kerak edi va buni uddalay olganimdan xursandman.
- Ichki chempionat kuchayib borayotgan bir paytda Xitoy terma jamoasining ishlari yaxshi emas?
- Chunki bu yerda asosiy ishni legionerlar bajaradi. Terma jamoada esa o'yin tizginini o'z qo'liga oladigan futbolchilar yo'q. Hozir Lippining kelishi haqida gaplar yuribdi. U "Guangju" bilan OCHLda g'alaba qozondi. Qolaversa jamoa tarkibining asosi MTJ a'zolari hisoblanadi. Chempionat kuchliligining ham asosiy sababi legionerlar. Mahalliy o'yinchilarning barchasida saviya deyarli bir xil.
- O'tgan yil "Guangju" so'nggi turdagina chempionlikni qo'lga kiritdi. Bu yil esa chempionlikni osonlikcha hal qilgandek. Ikkinchi o'rinni olgan "Jiangsu" esa aksincha quyi ligaga tushib ketishiga oz qoldi.
- 2013 yili "Jiangsu"ga katta omad kulib boqdi. Jamoa o'zimizdan "Neftchi"ga o'xshab o'ynaydi. Asosan yarim himoyachilarning faolligi evaziga. Bu yil negadir ularning o'yini biroz o'xshamadi.
- U yerda O'zbekistonlik futbolchilarga bo'lgan e'tibor qanday?
- Ajratish yo'q. Bu esa futbolda eng muhimi. Keyin ko'p narsa bosh murabbiyga bog'liq. Bizning murabbiy Kanutega qanday munosabatda bo'lsa, menga ham shunday bo'lyapti.
- Bizning oliy ligadan farqli ravishda Xitoyda hech bir jamoa o'yindan oldin g'alaba qozonmaydi. Bunday futbol sen uchun qiziq bo'lyaptimi?
- Jamoaga birinchi kelganimda bosniyalik jamoadoshim Darko Matich, bu yerda oddiy o'yin yo'qligini aytgandi. Amalda o'zim ham shunga guvoh bo'ldim. Stadion muxlislar bilan to'lib toshadi. Uy o'yinlarimizda aynan muxlislar hisobiga g'alaba qozonyapmiz, har bir o'yinimizda eng kamida 40 000 nafar muxlis keladi va bu manaviy jihatdan juda katta ozuqa. Xitoy chempionatida "Guangju"ni inobatga olmasangiz, o'yindan avval kim fovorit, kim autsayder bila olmaysiz.
- Oldingizda "Guangju" bilan Kubok o'yini turibdi. Lippi jamoasi OCHL va chempionatda g'alaba qozondi, sizlarni mensimasligi mumkin. Bu esa "Beyjing" foydasiga ishlashi mumkin.
- Agar shunday bo'lsa zo'r. Lekin Kubok ikkita o'yindan iborat ekanligini hisobga olsak, finalda ikki jamoaga ham oson bo'lmaydi.
- Bu yil jamoangiz uchinchi o'rinni qo'lga kiritdi...
- Jamoamiz oldiga OCHL yo'llanmasini beruvchi o'rinlardan birini qo'lga kiritish vazifasi qo'yilgandi. Buni uddaladik. Endigi vazifa Kubokda g'alaba qozonish. Chempionatda bundan ham yaxshi natija ko'rsatishimiz mumkin edi. Biroq OCHL biroz pand berdi. Yuqorida aytib o'tganimdek, bu yerda asosiy ishni legionerlar qilishadi. Shuning uchun zaxiramizdan joy olgan futbolchilarning saviyasi yuqori emasdi. Jamoa a'zolari 3 kunda bir o'yin o'tkaza olmasligi sabab, chempionat boshida muhim ochkolarni boy berdik.
Nodirxo'ja Yuldashev