Эдгар Гесс: "Вазифаларимиздан бири олий лигани тарк этмаслик"

- Бугун ҳар иккала жамоага ҳам раҳмат айтаман. Улар қўлдан келганча оҳиригача курашишди. Анча куч сарф қилишди. Майдонни эгаллаган сув ҳар иккала жамоага ўз ўйинларини кўрсатишга жиддий таъсир ўтказди..

- Бугун сиз шогирдларингизга уқтирган тактика ўзини оқладими?
- Биз “Сўғдиёна” жамоасининг олдинги турлардаги ўйинлари кўриб, ўрганиб таҳлил қилиб чиқдик. Рақиб бизга қандай қаршилик кўрсатишларини сезиб бўлгандик. Тезкор ҳужумлар ва ҳаводан тўп оширишлар амалга оширилишини тахмин қилгандик..

- Ушбу мавсумда “Бухоро”жамоаси олдига аниқ мақсад қўйилганми?
- Жамоамизнинг асосий мақсадларидан бири – чиройли футбол намойиш этиш. Бугун эътибор берган бўлсангиз майдонда уч нафар ёш футболчилар ҳаракат қилишди. Биз шу каби ёш иқтидор эгаларини асосий таркибга таклиф этиб, малакасини ошириб боришга ҳаракат қиламиз. Яна бир вазифамиз – албатта олий лигани тарк этмаслик.