UZ

Сўнгги янгиликлар

13:38"Престон" ноодатий ҳамкорликни эълон қилди  0 13:11"Истанбул Башакшеҳир" Файзуллаевга қизиқаётгани ростми?  2 12:49Осиё Кубоги-2026 саралаш босқичига қуръа ташланди: Ўзбекистон футзал термаси рақибларини билиб олди  0 12:20Аргентинада 18 ёшли футболчи тиззасидан операция қилинаётган вақтида вафот этди  0 11:52"Ғаройиб одамлар" фильми режиссёри "Брентфорд" эгаларидан бирига айланмоқчи  0 11:20Тареми Теҳронни тарк этди  3 10:43Томас Мюллер: “МЛСга ўтишим эҳтимолдан холи эмас”  1 10:06"Пахтакор" Қаршида 3 йилдан буён гол ура олмаяпти  9 09:36Эшитдик-да! Ислом Исмоилов тез орада "Нефтчи"да иш бошлайди  28 09:23Клублар ўртасидаги ЖЧ. Ильгиз Танташев бошқарган учрашувда "Интер" "Ривер Плейт"ни енгиб кейинги босқичга йўл олди  2 08:44"Андижон" охирги маротаба "Хоразм"ни меҳмонда қачон ютган?  5 08:13Гвардиола клублар ўртасидаги ЖЧ олдидан иссиқ ҳақида: "Биз азобланишга тайёр бўлишимиз керак"  3 07:48Лионель Месси Саудия Арабистони клублари билан фаол музокара олиб бормоқда  10 07:30Факт: "Бухоро" 9 йилдан сўнг Олмалиқда ғалаба қозонди  2 06:57Суперлига. Бугундан 14-турга старт берилади  6

Эдгар Бернхардт: "Онам фарғоналик бўлгани учун ўзбек клублари ҳақида кўп эшитганман" Янгиликлар

Эдгар Бернхардт: "Онам фарғоналик бўлгани учун ўзбек клублари ҳақида кўп эшитганман"

"Андижон" Тошкентдаги йиғиннинг иккинчи қисмини давом эттирмоқда.

Кеча Отабек Ғуломхўжаев шогирдлари "Жар" ўйингоҳида "Турон"га қарши назорат учрашувини ўтказди. Ушбу баҳсда маҳаллий футболчилар билан бир қаторда легионерлар ҳам синовдан ўтказилди. Жамоага келиб қўшилган асли германиялик, Қирғизистон терма жамоаси аъзоси Эдгар Бернхардт ҳам жамоанинг пойтахтдаги иккинчи йиғинида ҳам иштирок этмоқда. Кечаги назорат баҳсидан сўнг футболчи championat.asia сайтига фикрларини билдириб ўтди.

- Эдгар "Андижон" ҳақидаги дастлабки таассуротлар қандай? Янги саргузаштларга тайёрмисиз?

- Дастлабки таассуротларим яхши. Мураббий ҳақида ҳам ижобий фикр билдирган бўлардим. Бу ерга келмасимдан олдим ушбу мутахассис ҳақида менга айтишганди. Жамоанинг ўйин услуби истаганимдек. Мураббий бераётган кўрсатмаларини имкон қадар бажаришга ҳаракат қилмоқдаман. Чемпионат бошланишига бир ойга яқин вақт қолди. Тайёргарликни давом эттирмоқдамиз. Умид қиламанки янги футбол мавсумида яхши натижалар қайд эта оламиз. Бизнинг ўз мақсадларимиз бор.

- Ўзбек футболи ҳақида бунга қадар тасаввурга эгамидингиз? 

- Менга ўзбек футболи ёқади. Кўпроқ техника ва тўп билан ишлашга эътибор қаратилади. Ҳа, Қирғизистон терма жамоаси сафида Ўзбекистонга қарши ўйнаганман. Фақат бир маротаба аниқроғи 2019 йил "Пахтакор" стадионида бўлиб ўтган баҳсда майдонга тушганман. Ўшанда 1:3 ҳисобида мағлуб бўлган бўлсакда, ажойиб таассуротлар қолганди. Ўзбек футболи тарихидан хабардорман. Чунки, онам Фарғонада туғилган. Улардан "Пахтакор" ва кўплаб клублар ҳақида эшитганман. 

- Жамоа сизни қандай кутиб олди? Футболчилар билан тил-топишиб кетишда муаммо бўлаётгани йўқми?

- Ҳа, "Андижон" жамоасида ёш ва тажрибали ижрочилар бор. Очиғини айтганда менга бунинг аҳамияти йўқ. Тўғри, лидер сифатида ўзимни ҳис қиляпман. Чиқишиб кетишда муаммо бўлгани йўқ. Жамоа мени яхши кутиб олди. Умуман олганда очиқ инсонман, дея оламан. Шу боис мен билан тил топишиш қийин эмас. Агар ким учундир қийин бўлса бу унга боғлиқ. 

- Клуб билан расман шартнома имзоладингизми?

- Шартноманинг яна айрим жойларини кўриб чиқишимиз керак. Ўйлайманки, ҳаммаси яхши бўлади. Лекин, Отабек Ғуломхўжаев билан ишлашни истайман",- дейди Эдгар. 

Абдулазиз Искандаров ёзиб олди

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика