Эдерсон: “Гвардиола футболга бошқача кўз билан қарайди”

“Пеп ажойиб мураббий. У футболни бошқалардек кўрмайди. У футбол билан яшайди, нафас олади. Унинг ўйин ҳақидаги қарашлари бошқа мураббийларникидан тубдан фарқа қилади.  У менга жуда катта ёрдам бермоқда, нафақат менга балки бутун жамоадошларимга ҳам.

У ўзининг услубини бизга сингдиришга ҳаракат қилмоқда ва биз бир неча йиллардан буён унинг қўл остида тўп тепиб ўзимизга хос услубда ҳаракат қилмоқдамиз. Албатта бу ишларни амалга ошириш учун мураббийимизга маълум вақт керак бўлди. Шу савияни сақлаб қолиш учун белгиланган машғулотларни канда қилмаслик лозим. Ўйлашимча, жамоа Пеп истаган услубга тўла мослаша олди”, дейди Эдерсон.