Мадриднинг "Реал" жамоаси Мюнхеннинг "Бавария" клуби меҳмони бўлди. Биринчи ўйинда немислар 2:1 ҳисобида ғалаба қозонишган эди.
Учрашув жуда тезкор гол билан бошланди. 1-дақиқадаёқ мадридликлар ярим ҳимоячиси Арда Гюлер Мануэль Нойернинг хатосидан унумли фойдаланиб, ҳисобни очди. Бироқ мезбонлар тезкорлик билан жавоб қайтаришди — 6-дақиқада Александар Павлович мувозанатни тиклади.
29-дақиқада Арда Гюлер жарима зарбасини қойилмақом ижро этиб, "қироллик клуби"ни яна олдинга олиб чиқди. Аммо "Бавария" таслим бўлмади: 38-дақиқада Гарри Кейн ҳисобни 2:2 кўринишига келтирган бўлса, 42-дақиқада Килиан Мбаппе "Реал"нинг учинчи голини урди ва меҳмонлар танаффусга устунлик билан чиқиб кетишди.
Иккинчи бўлимнинг охирги дақиқалари эса ҳақиқий драма айланди. 86-дақиқада "қаймоқранглилар" вакили Эдуарду Камавинга майдондан четлатилди. Сон жиҳатдан устунликка эга бўлган "Бавария" босимни оширди ва 89-дақиқада Луис Диас ҳисобни тенглаштирди. Учрашувга қўшиб берилган 90+4-дақиқада эса Майкл Олисе ғалаба голини киритиб, "Арена Мюнхен"ни ларзага келтирди — 4:3!
Шу тариқа, икки ўйин натижасига кўра (2:1, 4:3) Мюнхеннинг "Бавария" жамоаси ярим финалга йўл олди. Арбелоа шогирдлари учун эса жорий мавсумдаги ЕЧЛ юриши чорак финалда тўхтади. "Бавария" ярим финалда ПСЖ жамоаси билан куч синашади.
"Бавария" - “Реал Мадрид” 4:3
Голлар: Павлович 6, Кейн 38, Диас 89, Олисе 90+5 - Гюлер 1, Гюлер 29, Мбаппе 42.
"Бавария": 1. Нойер, 2. Упамекано, 4. Та, 6. Киммих, 7. Гнабри, 9. Кейн, 14. Луис Диас, 17. Олисе, 27. Лаймер, 44. Станишич, 45. Павлович.
Захира: Урбиг, Прескотт, Минже, Горецка, Мусиала, Жексон, Дэвис, Ито, Геррейру.
"Реал Мадрид": 13. Лунин, 12. Трент, 3. Э. Милитао, 22. Рюдигер, 23. Ф. Менди, 21. Браҳим, 5. Беллингем, 8. Вальверде (С), 15. Арда Гюлер, 10. Мбаппе, 7. Вини Жр.
Захира: Фран Гонсалес, Хави Наварро, Карвахаль, Алаба, Камавинга, Гонсало, А. Каррерас, Д. Себальос, Фран Гарсия, Ҳуйсен, Мастантуоно, Тиаго.
