Дунёнинг энг ажойиб стадионлари

13 сен 2020 16:47

Янгиликлар

Дунёнинг энг ажойиб стадионлари - "Ал-Жануб"

Қатарнинг Ал Вакра шаҳрида жойлашган дунёнинг энг чиройли стадионларидан бири бўлмиш "Ал-Жануб"га фотосаёҳат қиламиз.

"Ал-Жануб" - Қатар

Стадион Қатар Футбол Ассоциациясига тегишли

Очилган йили: 2019 йил 16 май

Архитектор: Заха Хадид

Сиғими: 40,000

- "Ал-Жануб" ЖЧ-2022 учун қуриб битказилган илк стадиондир, у ўтган йилнинг баҳорида очилган. Стадион гуруҳ босқич ва чорак финал ўйинларини қабул қилади. 2019 йилнинг майида бу стадионда илк ўйин ҳам ўтказилган - Қатар амири Кубоги финали доирасида "Ал Дуҳайл" Хави қўл остидаги "Ал Садд"ни мағлуб этган.

- Стадион муаллифи - таниқли архитектор Заха Хадид (муҳандислик гиганти AECOM билан биргаликда). Лойиҳа 2013 йилда ишлаб чиқилган ва бу унинг сўнгги лойиҳаларидан эди: 3 йилдан у юрак хуружидан вафот этган.

- Стадион Қатар учун 575 миллион долларга тушган.

- "Ал-Жануб" Қатар пойтахти Доҳадан 20 км узоқликда жойлашган Вакра шаҳрида қурилган. Бу ернинг иқлими футбол ўйнаш учун қулай эмас: ёзда ҳаво ҳарорати 50 даражагача кўтарилади. Шу сабаб ЖЧ бўлиб ўтадиган вақт ёздан ноябрь-декабр ойларига кўчирилган.

ОЧЛда Ўзбекистон шарафини ҳимоя қилаётган ягона клубимиз - "Пахтакор" мусобақа гуруҳ босқичидаги қолган ўйинларнинг барчасини ушбу стадион (барча ўйинлар 23:00да старт олади)да ўтказади:

3-тур, 14 сентябрь

"Ал Ҳилол" - "Пахтакор"

4-тур, 17 сентябрь

"Пахтакор" - "Ал Ҳилол"

5-тур, 20 сентябрь

"Шабаб Ал Аҳли" - "Пахтакор"

6-тур, 23 сентябрь

"Шаҳр Ходро" - "Пахтакор"

→ Дунёнинг энг ажойиб стадионлари - "Сан-Мамес"

→ Дунёнинг энг ажойиб стадионлари - "Энфилд"

→ Дунёнинг энг ажойиб стадионлари - "Камп Ноу"

→ Дунёнинг энг ажойиб стадионлари - "Маракана"