Дортмунднинг "Боруссия" вингери инглиз грандлари нигоҳида
20 янв 16:00
Янгиликлар

Дортмунднинг "Боруссия" вингери инглиз грандлари нигоҳида

Теглар : Боруссия Дортмунд Жейми Байно-Гиттенс

Дортмунднинг "Боруссия" клуби футболчиси Жейми Байно-Гиттенс "Челси" ва "Ливерпул"нинг асосий трансфер мақсадларидан бўлиб турибди.

"Аристократлар" ўтган ҳафта футболчи бўйича расмий таклиф юбориб улгуришди. "Ливерпуль" скаутлари эса Байно-Гиттенсни жорий мавсум аввалидан буён кузатиб келишади. "Боруссия"дагилар хавбек жамоани қишда тарк этмаслигига умид қилмоқда.

Эслатиб ўтамиз, Байно-Гиттенс 17 ёшидан буён "арилар" тизимида тўп тепади. Унинг шартномаси 2028 йилнинг ёзигача амал қилади. Жорий мавсум 20 ёшли чап қанот вингери барча мусобақаларни инобатга олганда 26 ўйинда 11 та гол урди ва 5 та голли узатма етказиб берди. "Transfermarkt" Байно-Гиттенсни 50 миллион еврога баҳоламоқда.

Аввалроқ, футболчи "Боруссия" Чемпионлар Лигасига чиқа олмаса, клубни тарк этиш эҳтимоли юқорилиги ҳақида хабарлар пайдо бўлганди.

Ҳавола :

Манба : Goal

Янгиликларни Телеграмда ўқинг!

Рейтинг: +1