Дониёр Одилов: "Биринчи голимдан хурсандман"
09 авг 2016 10:30
Янгиликлар

Дониёр Одилов: "Биринчи голимдан хурсандман"

“Металлург” – “Машъал” учрашувида киритилган голларнинг бешинчиси Дониёр Одилов ҳисобига ёзилди. Биз ўйиндан кейин гол муаллифининг фикрлари билан қизиқдик.

- Табрик учун раҳмат. Бу менинг мавсумдаги эмас, умуман миллий чемпионатимиздаги биринчи голим. Шу боис ҳам уни жамоадошларим билан эҳтиросли равишда нишонладим. Хурсандман. Бугун барча ўйинчиларимиз мураббийларнинг кўрсатмаларига тўлиқ амал қилган ҳолда тўп суришди. Сон жиҳатидан устунликка эришишимиз ғалабамизни бироз енгиллаштирди. Аммо, бу ҳолат бўлмаганида ҳам биз албатта ютардик. Сабаби иштиёқ, футболчилардаги тайёргарлик ҳолати жуда юқори эди. Бевосита киритган голимга келадиган бўлсак, йирик ҳисобда олдинда бораётганимиз боис чўчимасдан ҳужумга қўшилдим. Ажойиб тўп оширилиши учун, ассистентлик учун Эргаш Исмоиловга миннатдорчилик билдираман. Бундай қулай вазиятда гол киритмасликнинг иложи йўқ эди. Мухлисларимизга завқли онларни тақдим этганимиздан хурсандмиз, дейди Дониёр Одилов.

Ҳавола :

Манба : championat.asia

Янгиликларни Телеграмда ўқинг!

Рейтинг: +6