"Динамо" Қозоғистон клуби билан дуранг ўйнади

Ушбу баҳсда “Динамо” мураббийлар штаби икки таркибни синовдан ўтказган бўлса, Олма-Отанинг “Қайрат” клуби бош мураббийи Александр Шацких деярли асосий таркиб билан тўп сурди.

Назорат баҳсининг дастлабки дақиқаларидан “Динамо” ҳужум чизиғида мураббийлар кўрикида бўлган янги футболчилар – “Насаф”дан таклиф этилган ёш футболчи Мирза Жониқулов, тошкентлик ёш яримҳимоячи Арам Маркарян ва тажрибали ҳужумчи Муйдин Мамазулуновлар тўп суришди.

Иккинчи бўлимнинг 54-дақиқасида яримҳимоячи Жасур Азимов ҳисобни очган бўлса, 75-дақиқада қозоғистонликлар футболчиси Рашид Люхай мувозанатни тиклади, 1:1.

Қайд этиш жоиз, мураббийларимиз ҳар икки бўлимда икки хил таркибни майдонга туширишди. “Динамо” 5 март куни Тошкентдаги дастлабки йиғинни якунлаб, 6 март куни Самарқандда тиббий кўрикдан ўтади. Навбатдаги йиғин ҳам 9 март кунидан пойтахтимизда ташкил этилиши режалаштирилган.

Назорат учрашуви. Тошкент.

4 март (якшанба)

«ДИНАМО» - «ҚАЙРАТ» (Қозоғистон) - 1:1

Голлар: Жасур Азимов 54 – Рашид Люхай 75.

«Динамо»: Шоҳруҳ Эшбўтаев, Миркомил Локаев, Виктор Григорьев, Ҳакимхон Аъламхонов, Азиз Суюнов, Акмал Бозоров, Жасур Азимов, Илҳом Юнусов, Мирза Жониқулов, Арам Маркарян, Муйдин Мамазунуов.

«Динамо» (2-бўлим): Рустам Тоштурдиев, Бунёд Исроилов, Фирдавс Абдусалимов, Абдулло Абдуллоев, Темур Файзуллаев, Комил Шарофутдинов, Дамир Темиров, Жасур Қурбонов, Элбек Отақулов, Фаррух Шотурсунов, Марадон Сафаров.

Эслатиб ўтамиз, “Динамо” Про-Лига 1-тури доирасида 25 март куни Ғузорда “Шўртан” жамоаси меҳмони бўлади.