"Динамо" мухлислари Зоминга отланишмоқда
28 мар 2014 14:45
Янгиликлар

"Динамо" мухлислари Зоминга отланишмоқда

Севимли жамоасини Самарқанддаги ўйинларда бўлгани каби, сафар учрашувларда ҳам ёлғизлатиб қўймайдиган «Динамо» мухлислари, одатдагидек навбатдаги сафар учрашувига отланишмоқда.

Чемпионатнинг дастлабки турида юзлаб мухлислар Қаршида кечган ўйинда «Динамо»ни қўллаб-қувватлашганди. Шунингдек, Самарқанддаги ўйинда ҳам ишқибозларнинг ноқулай об-ҳавога қарамай футболчиларни олдинга бошлаши «Динамо»нинг чиройли ғалабасига замин яратганди.

Хабарингиз бор, 3-тур доирасида «Динамо» 29 март куни Зоминда «Сўғдиёна» меҳмони бўлади. Ушбу ўйинга боришни режалаштирган жамоа мухлислари шанба куни соат 11:30да «Динамо» стадиони олдида тўпланиб, 12:00да белгиланган автобус билан Зомин шаҳрига жўнаб кетишлари кўзланмоқда. Сизда ҳам бундай имконият бор. Ўйинда «Динамо»ни қўллаб-қувватлашни истаган мухлислар бизга ҳамроҳ бўлишлари мумкин.

Батафсил маълумотлар учун +99891 532 36 57, +99890 657 56 40, телефонлар рақамларига мурожаат этишингиз мумкин.

Ҳавола :

Манба : fcdinamo.uz

Янгиликларни Телеграмда ўқинг!

Рейтинг: