«Динамо» йиғинни тоғда ўтказмоқда

Камо Газаров бошчилигида ўтаётган ўқув-йиғин машғулотлари Самарқанд шаҳридан 40 километр узоқликда бўлган Ургут тумани тоғ-тизмаларидаги қароргоҳимизда ўтказилмоқда. Ушбу йиғинда мураббийлар асосий эътиборни футболчиларнинг жисмоний ҳолатини яхшилашга қаратишган.

6-16 июль кунги ўқув-йиғинидан сўнг, жамоа Самарқандга қайтиб икки томонлама назорат учрашувида майдонга тушиши режалаштирилган.

19 июлдан эса жамоанинг йиғини Тошкентга кўчиб, пойтахтда ҳам бир ҳафталик йиғин ташкил этилади. 26 июль кунига қадар давом этадиган йиғин мобайнида таркибда ўзгаришлар бўлиши эҳтимоли мавжуд. Шунингдек, назорат ўйинлари ҳам режалаштирилган.

Эслатиб ўтамиз, «Динамо» иккинчи даврани 14-турда «Насаф» жамоасига қарши Самарқандда ўтадиган ўйин билан бошлайди.