Дилшод Нуралиев: “Марокаш билан финалда тўқнаш келсак яхши бўларди”

"Аввало ажоиб ўйин учун Марокаш термаси мураббийини табриклайман. Бугун рақибимиз майдонда жуда яхши ҳаракат қилди, лекин биз ҳам бўш келмадик ва шогирдларим дурангни ушлаб қола билишди. Марокаш кучли жамоа эканини олдиндан билардик ва шунинг учун ўз вақтида Тунис, Кот-Д‘Ивуар сингари жамоалар билан ўртоқлик ўйнагандик. Марокаш ўйин услуби билан Тунисни эслатиб юборди. Насиб қилса, финалда яна шу жамоага қарши тўп суриш ниятимиз бор" - дейди Дилшлд Нуралиев.

- Бугун Хорвати я ҳам ғалаба қозонди ва дастлабки уч очкони қўлга киритди. Бундан кўриниб турибдики, гуруҳдаги охирги учрашув ҳам кескин кечади.
- Жаҳон чемпионати ўз номи билан жаҳон чемпионати. Бунда осон ўйинлар бўлмайди. Биз дастлабки икки учрашувга қандай ҳозирлик кўрган бўлсак, хорватия билан ҳам шундай тайёргарлик кўрамиз.

- Бугунги ўйин ва натижа ўсмирларимизнинг гуруҳдан чиқишига ҳамда турнирда узоқроққа боришига имконият яратди дейиш мумкинми?
- Ҳар бир мураббий ўз олдига юқори мақсадларни қўяди. Мен ҳам мураббий сифатида жамоамнинг турнирда кўпроқ қолишини хоҳлайман. Бир сўз билан айтганда, биз навбатдаги баҳсга ўта жиддий қараймиз ва эртадан тайёргарликни бошлаб юборамиз.

Хайрулло Холиқов