Дилшод Ҳамроев: "Сенегалга қарши ўйинга тайёргарлик бошланган"

- Кечаги ўйинда жамоа йигитлари бир-бирини тушуниб ўйнаганликлари, шиддаткор темпда ҳаракат қилганликлари боис муваффақият қозондик деб ўйлайман. Ҳимояда ҳам, марказда ҳам, ҳужумда ҳам ҳамма жонини бериб ўйнади. Ҳар бир вазиятнинг ўз қийинчилиги бор лекин Австрия билан ўйинда менга деярли оғирлик тушмади, десам ҳам бўлади. Бунинг учун, албатта, ҳимоячиларимизга рахмат айтса арзийди. Улар ўз вақтида уюшқоқлик билан ҳаракатлана олишди.

Чорак финалдаги рақибимиз ўйинларини кузатдик. Вақтни бой бермасдан тайёргарликларни ҳам бошлаганмиз. Сенегал билан тўқнашув бизнинг ғалабамизни таъминлаши учун астойидил ҳаракат қиламиз. Ўзимиздаги ишонч ва ғайрат билан, халқимиз меҳрини, дуоларини қалбан ҳис этиб майдонга тушамиз.


Гулшан Саъдуллаева ёзиб олди